ಮ.1.45ರ ವಿಮಾನಕ್ಕೆ ಡಿಕೆಶಿ, ಸಿದ್ದು ಆಗಮನ

ನವದೆಹಲಿ; ಯಾರು ಸಿಎಂ ಆಗಬೇಕು ಅನ್ನೋದು ಡಿಸೈಡ್ ಆಗಿದೆ. ಮೇ 20ಕ್ಕೆ ಪ್ರಮಾಣವಚನ ಫಿಕ್ಸ್ ಆಗಿದೆ. ಮೂರು ದಿನದಿಂದ ನಾನೊಂದು ತೀರ, ನೀನೊಂದು ತೀರ ಎಂಬತಿದ್ದ ಸಿದ್ದರಾಮಯ್ಯ ಹಾಗೂ ಡಿ.ಕೆ.ಶಿವಕುಮಾರ್ ಅವರು ಕೆ.ಸಿ.ವೇಣುಗೋಪಾಲ್ ನಿವಾಸದಲ್ಲಿ ನಡೆದ ಉಪಾಹಾರಕೂಟದಲ್ಲಿ ಒಂದಾಗಿದ್ದಾರೆ.

ಸದ್ಯ ಖರ್ಗೆ ನಿವಾಸದಲ್ಲಿರುವ ಇಬ್ಬರೂ ನಾಯಕರು, ಮಧ್ಯಾಹ್ನ ಬೆಂಗಳೂರಿಗೆ ಬರಲಿದ್ದಾರೆ. ಮಧ್ಯಾಹ್ನ 1.45ರ ವಿಮಾನದಲ್ಲಿ ಇಬ್ಬರೂ ನಾಯಕರು ಬೆಂಗಳೂರಿಗೆ ಹೊರಡಲಿದ್ದಾರೆ.

ಕೆ.ಸಿ.ವೇಣುಗೋಪಾಲ್ ಹಾಗೂ ಸುರ್ಜೇವಾಲಾ ಕೂಡಾ ಬೆಂಗಳೂರಿಗೆ ಬರಲಿದ್ದು, ಸಂಜೆ 7.30ಕ್ಕೆ ನಡೆಯುವ ಶಾಸಕಾಂಗ ಪಕ್ಷದ ಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ. ಶಾಸಕಾಂಗ ಪಕ್ಷದ ನಾಯಕನ ಆಯ್ಕೆ ನಂತರ ಸರ್ಕಾರ ರಚನೆಗೆ ಹಕ್ಕು ಮಂಡಿಸಲಾಗುತ್ತದೆ.