ಬಿಎಂಟಿಸಿ ಬಸ್‌ ಡಿಕ್ಕಿ ಹೊಡೆದು 15 ವರ್ಷದ ಬಾಲಕಿ ಸಾವು
ಬೆಂಗಳೂರು; ಬಿಎಂಸಿಟಿ ಬಸ್‌ ಹರಿದು ಹದಿನೈದು ವರ್ಷದ ಬಾಲಕಿ ಸಾವನ್ನಪ್ಪಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ಟಿ.ಸಿ.ಪಾಳ್ಯದಿಂದ ಬಟ್ಟರಹಳ್ಳಿ ಮಾರ್ಗದಲ್ಲಿ ಈ ದುರ್ಘಟನೆ ನಡೆದಿದೆ. ಬಸ್‌ ಹರಿದಿದ್ದರಿಂದಾಗಿ ಹದಿನೈದು ವರ್ಷದ ಲಾವ್ಯಶ್ರೀ ಎಂಬಾಕೆ ತೀವ್ರವಾಗಿ ಗಾಯಗೊಂಡಿದ್ದಳು. ಕೂಡಲೇ ಆಕೆಯನ್ನು ಆಸ್ಪತ್ರೆಗೆ ಸೇರಿಸಲಾಯಿತಾದರೂ ಚಿಕಿತ್ಸೆ ಫಲಿಸದೆ ಸಾವನ್ನಪ್ಪಿದ್ದಾಳೆ.
ಸ್ಕೂಟರ್‌ನಲ್ಲಿ ತಾಯಿ ಪ್ರಿಯದರ್ಶಿನಿ ಜೊತೆ ಲಾವ್ಯಶ್ರೀ ಹಾಗೂ ಯಾಶ್ವಿನ್‌ ಪ್ರಯಾಣ ಮಾಡುತ್ತಿದ್ದರು. ಆದ್ರೆ ಸ್ಕೂಟರ್‌ ಬಟ್ಟರಹಳ್ಳಿ ಸಿಗ್ನಲ್‌ ಬಳಿ ಬಂದಾಗ ನಿಯಂತ್ರಣ ತಪ್ಪಿ ಉರುಳಿಬಿದ್ದಿದೆ. ಈ ವೇಳೆ ತಾಯಿ ಪ್ರಿಯದರ್ಶಿನಿ ಹಾಗೂ ಮಗ ಯಾಶ್ವಿನ್‌ ಎಡಗಡೆಗೆ ಬಿದ್ದಿದ್ದಾರೆ. ಲಾವ್ಯಶ್ರೀ ಮಾತ್ರ ಬಲಗಡೆಗೆ ಬಿದ್ದಿದ್ದು, ಅದೇ ವೇಳೆ ಬಂದ ಬಿಎಂಟಿಸಿ ಬಸ್‌ ಲಾವ್ಯಶ್ರೀಗೆ ಡಿಕ್ಕಿ ಹೊಡೆದು ಈ ದುರ್ಘಟನೆ ಸಂಭವಿಸಿದೆ. ಯಾಶ್ವಿನ್‌ಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಚಿಕಿತ್ಸೆ ನೀಡಲಾಗಿದೆ.
