ಮುಂಬೈನಲ್ಲಿ ಬೆಂಕಿ ಆಕಸ್ಮಿಕ; ಕಟ್ಟಿಗೆ ಗೋಡೌನ್‌ ಸಂಪೂರ್ಣ ಭಸ್ಮ
ಮುಂಬೈ: ಮುಂಬೈನಲ್ಲಿ ಇಂದು ಮುಂಜಾನೆ ಆಕಸ್ಮಿಕ ಬೆಂಕಿ ದುರ್ಘಟನೆ ಸಂಭವಿಸಿದೆ. ಇಲ್ಲಿನ ಬೈಕುಲ್ಲಾ ಪ್ರದೇಶದ ಮುಸ್ತಫಾ ಬಜಾರ್‌ನಲ್ಲಿರುವ ಕಟ್ಟಿಗೆ ಗೋಡೌನ್‌ನಲ್ಲಿ ದುರ್ಘಟನೆ ನಡೆದಿದೆ. ಬೆಂಕಿಗೆ ಇಡೀ ಗೋಡೌನ್‌ ಆಹುತಿಯಾಗಿದೆ.
ಇಂದು ಮುಂಜಾನೆಯೇ ಗೋಡೌನ್‌ನಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು. ದೊಡ್ಡ ಮಟ್ಟದಲ್ಲಿ ಬೆಂಕಿಮ ಆವರಿಸಿದಾಗ ಸ್ಥಳೀಯರು ಅದನ್ನು ನೋಡಿ, ಅಗ್ನಿಶಾಮಕ ಸಿಬ್ಬಂದಿಗೆ ವಿಷಯ ಮುಟ್ಟಿಸಿದ್ದಾರೆ. ಕೂಡಲೇ ಎಂಟು ಅಗ್ನಿಶಾಮಕ ವಾಹನಗಳು ಆಗಮಿಸಿದವು. ಸುಮಾರು ಎರಡು ಗಂಟೆಗೂ ಹೆಚ್ಚು ಕಾಲ ಕಾರ್ಯಾಚರಣೆ ನಡೆಸಿ ಬೆಂಕಿ ನಂದಿಸಲಾಯಿತು.
ಘಟನೆಯಲ್ಲಿ ಗೋಡೌನ್‌ ಪೂರ್ತಿ ಸುಟ್ಟು ಕರಕಲಾಗಿದೆ. ಆದ್ರೆ ಬೆಳಗ್ಗೆಯೇ ದುರ್ಘಟನೆ ನಡೆದಿದ್ದರಿಂದ ಗೋಡೌನ್‌ನಲ್ಲಿ ಯಾರೂ ಇರಲಿಲ್ಲ. ಹೀಗಾಗಿ ಅದೃವಶಾತ್‌ ದೊಡ್ಡ ದುರಂತ ತಪ್ಪಿದೆ. ಗೋಡೌನ್‌ ಸುಟ್ಟು ಲಕ್ಷಾಂತರ ರೂಪಾಯಿ ನಷ್ಟವಾಗಿದೆ. ಆದ್ರೆ ಅದೃಷ್ಟವಶಾತ್‌ ಯಾವುದೇ ಸಾವುನೋವು ಸಂಭವಿಸಿಲ್ಲ.
