ವೇದಿಕೆ ಮೇಲೆಯೇ ರಣವೀರ್‌ – ಕಪಿಲ್‌ ದೇವ್‌ ಕಿಸ್‌
ಬೆಂಗಳೂರು : ರಣವೀರ್‌ ಸಿಂಗ್‌ ಅಭಿನಯದ ʼ೮೩ʼ ಸಿನಿಮಾ ಡಿಸೆಂಬರ್‌ ೨೪ಕ್ಕೆ ತೆರೆ ಕಾಣಲಿದೆ. ಬಾಲಿವುಡ್‌ನ ಬಹು ನಿರೀಕ್ಷಿತ ಸಿನಿಮಾ ಇದಾಗಿದೆ. ೧೯೮೩ ಕ್ರಿಕೆಟ್‌ ವಿಶ್ವಕಪ್‌ ಕಥೆ ಹೊಂದಿರುವ ಈ ಸಿನಿಮಾ ನೋಡಲು ಅಭಿಮಾನಿಗಳು ಕಾತುರರಾಗಿದ್ದಾರೆ.
ಚಿತ್ರದ ಪ್ರೀಮಿಯರ್‌ ಶೋ ನೆನ್ನೆ ಬುಧವಾರ ಮುಂಬೈನಲ್ಲಿ ಆಯೋಜಿಸಲಾಗಿತ್ತು. ಪ್ರೀಮಿಯರ್‌ ಶೋಗೆ ಕಪಿಲ್‌ ದೇವ್‌, ರಣವೀರ್‌ ಸಿಂಗ್‌ ಸೇರಿದಂತೆ ಇನ್ನು ಅನೇಕ ಗಣ್ಯರು ಹಾಜರಾಗಿದ್ದರು. ಸಿನಿಮಾ ನೋಡಿದ ಕಪಿಲ್‌ ಸಖತ್‌ ಖುಷಿ ಆಗಿದ್ದಾರೆ.
ಕಪಿಲ್‌ ಮತ್ತು ರಣವೀರ್‌ ಪರಸ್ಪರ ಚುಂಬಿಸುತ್ತಿರುವ ಚಿತ್ರವು ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್‌ ವೈರಲ್‌ ಆಗ್ತಿದೆ. ಇಬ್ಬರು ಪರಸ್ಪರ ತಬ್ಬಿಕೊಂಡು ಚುಂಬಿಸಿದ್ದಾರೆ.
ಈ ಫೋಟೋವನ್ನು ಛಾಯಾಗ್ರಾಹಕರಾದ ಯೋಗೀಶ್‌ ಶಾ ತಮ್ಮ ಇನ್ಸ್ಟಾ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
