ಕಾಡಾನೆ ರಣಚಂಡಿ ಅವತಾರ: ವಿಡಿಯೋ ವೈರಲ್‌
ಅಸ್ಸಾಂ: ಕಾಡಿನಿಂದ ನಾಡಿಗೆ ಬಂದ ಆನೆಯೊಂದು ಅವಾಂತರ ಸೃಷ್ಟಿ ಮಾಡಿದೆ. ಅಸ್ಸಾಂನ ದುಬ್ರಿ ಜಿಲ್ಲೆಯಲ್ಲಿ ಘಟನೆ ನಡೆದಿದ್ದು. ಕಾಡಾನೆ ರಂಪಾಟಕ್ಕೆ ಸ್ಥಳೀಯರು ಬೇಸ್ತು ಬಿದ್ದಿದ್ದಾರೆ. ಕಾಡಾನೆ ಹಾವಳಿಯ ವಿಡಿಯೋ ಈಗ ಎಲ್ಲೆಡೆ ವೈರಲ್‌ ಆಗಿದೆ. ತಮರ್‌ಹಟ್‌ ಗ್ರಾಮಕ್ಕೆ ಬಂದ ಕಾಡಾನೆ 30ವರ್ಷದ ವ್ಯಕ್ತಿಯನ್ನು ತನ್ನ ಸೊಂಡಿಲಿನಿಂದ ಎತ್ತಿ ಎಸೆದಿದೆ. ತೀವ್ರ ಗಾಯಗಳಿಂದ ವ್ಯಕ್ತಿ ಆಸ್ಪತ್ರೆ ಪಾಲಾಗಿದ್ದಾನೆ. ತಕ್ಷಣವೇ ಅಲ್ಲಿದ್ದ ಜನಸಮೂಹ ಆನೆಯನ್ನು ಓಡಿಸಲು ನಾನಾ ಪರಿಪಾಟಲು ಬಿದ್ದರೂ ಪ್ರಯೋಜನವಾಗಲಿಲ್ಲ. ಆನೆಯ ರಣಚಂಡಿ ಅವತಾರವನ್ನು ಯುವಕನೊಬ್ಬ ವಿಡಿಯೋ ಮಾಡಿ ಪೋಸ್ಟ್‌ ಮಾಡಿದ್ದಾನೆ. ಇನ್ನು ಗಾಯಗೊಂಡಿರುವ ವ್ಯಕ್ತಿ ಪರಿಸ್ಥಿತಿ ತುಂಬಾ ಗಂಭಿರವಾಗಿದೆ ಎಂದು ಅಲ್ಲಿನ ಅಧಿಕಾರಿಗಳು ತಿಳಿಸಿದ್ದಾರೆ.
