ಸ್ತನ ಕ್ಯಾನ್ಸರ್‌ನಿಂದ ಬಳಲ್ತಿದ್ದಾರೆ – ‘ಈಗ’ ಚಿತ್ರದ ನಟಿ
ಹೈದರಾಬಾದ್‌ : ತೆಲುಗು ಮತ್ತು ಕನ್ನಡ ಸಿನಿಮಾಗಳಲ್ಲಿ ನಟಿಸಿರುವ ಹಂಸ ನಂದಿನಿ ಸ್ತನ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದಾರೆ. ಈ ಕುರಿತು ಅವರೇ ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಬರೆದುಕೊಂಡಿದ್ದಾರೆ. ಮೂರನೇ ಹಂತದ ಕ್ಯನ್ಸರ್‌ನಿಂದ ಬಳಲ್ತಿರುವ ಹಂಸ ನಂದಿನಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇನ್ನೊಂದು ಸ್ತನಕ್ಕೂ ಈ ಕ್ಯಾನ್ಸರ್‌ ಹರಡುವ ಸಾಧ್ಯತೆ ಇದೆ ಎಂದು ಅವರು ಬರೆದುಕೊಂಡಿದ್ದಾರೆ.
ಒಟ್ಟು ೯ ಹಂತಗಳಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಈ ನಟಿಯ ಪಾಸಿಟಿವ್‌ ನಡೆಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತ ಪಡಿಸಿದ್ದಾರೆ.
ಕೂದಲು ಇಲ್ಲದ ತಲೆಯ ಫೋಟೋವನ್ನು ಶೇರ ಮಾಡಿರುವ ಹಂಸ ನಂದಿನಿ ಆದಷ್ಟು ಬೇಗ ಇದನ್ನು ಮೆಟ್ಟಿ ನಿಂತು ನಾನು ಸಿನಿಮಾಗೆ ಹಿಂದಿರುಗುವೆ, ನಾನು ಕಷ್ಟಗಳಿಗೆ ಹೆದರುವುದಿಲ್ಲ, ನಗು ಮುಖದಿಂದ ಸ್ವೀಕರಿಸುತ್ತೀನಿ ಎಂದು ಬರೆದುಕೊಂಡಿದ್ದಾರೆ.
ತೆಲುಗಿನ ʼಈಗʼ ಕನ್ನಡದ ಮೋಹಿನಿ 9886788888 ಇನ್ನು ಮುಂತಾದ ಸಿನಿಮಾಗಳಲ್ಲಿ ಇವರು ಅಭಿನಯಿಸಿದ್ದರು.
