ಹೊಸೂರಲ್ಲಿ ನಿರ್ಮಾಣವಾಯ್ತು ಪುನೀತ್‌ ಸ್ಮಾರಕ
ಬಾಗಲಕೋಟೆ : ಅಪ್ಪು ಫ್ಯಾನ್ಸ್‌ ಅಪ್ಪು ಮೇಲಿನ ಅಭಿಮಾನವನ್ನು ಡಿಫರೆಂಟ್‌ ಡಿಫರೆಂಟಾಗೆಲ್ಲಾ ವ್ಯಕ್ತಪಡಿಸುತ್ತಿದ್ದಾರೆ. ಹೊಸೂರು ಗ್ರಾಮಸ್ಥರು ಚಿಕ್ಕ ಸ್ಮಾರಕ ನಿರ್ಮಿಸಿ ಅಪ್ಪು ಮೇಲಿನ ಅಭಿಮಾನ ಎಷ್ಟಿತ್ತು ಎಂದು ತೋರಿಸಿದ್ದಾರೆ.
ಬಾಗಲಕೋಟೆ ಜಿಲ್ಲೆಯ, ಬಾದಾಮಿ ತಾಲೂಕಿನ ಹೋಸೂರು ಗ್ರಾಮಸ್ಥರು ಈ ಸ್ಮಾರಕ ನಿರ್ಮಿಸಿದ್ದಾರೆ. ಸ್ಮಾರಕದಲ್ಲಿ ಮಂಟಪವೊಂದನ್ನು ನಿರ್ಮಿಸಿ, ಅಪ್ಪು ಅವರ ಭಾವಚಿತ್ರ ಇಟ್ಟು ಸ್ಮಾರಕಕ್ಕೆ ನಿತ್ಯ ಪೂಜೆ ಸಲ್ಲಿಸುವ ಕೆಲಸ ನಿತ್ಯ ನಡೆದಿದೆ.
ಜೊತೆಗಿರದ ಜೀವ ಎಂದೆಂದಿಗೂ ಜೀವಂತ ಎಂದು ಫೋಟೋ ಕೆಳಗೆ ಬರೆಸಿರುವ ಗ್ರಾಮಸ್ಥರು ಅಪ್ಪು ಮೇಲಿನ ಅಭಿಮಾನ ಮೆರೆದಿದ್ದಾರೆ. ಗ್ರಾಮದ ಸಂತೆ ಮಾರುಕಟ್ಟೆ ಜಾಗದಲ್ಲಿ ನಿರ್ಮಿಸಿರುವ ಈ ಸ್ಮಾರಕವನ್ನು ಗ್ರಾಮಸ್ಥರೇ ಉದ್ಘಾಟಿಸಿದರು.
