ಹೃದಯಾಘಾತ ಆಗುತ್ತೇನೋ ಎಂಬ ಭಯ ಕಾಡುತ್ತಿದೆಯೇ..?; ಹಾಗಾದ್ರೆ ಅದು ಇದೇ..!
ಕೊರೊನಾ ನಂತರದ ದಿನಗಳಲ್ಲಿ ವಯಸ್ಸಿನ ಲೆಕ್ಕವಿಲ್ಲದೆ ಎಲ್ಲರಿಗೂ ಹೃದಯಾಘಾತಗಳಾಗುತ್ತಿವೆ.. ಚಿಕ್ಕ ವಯಸ್ಸಿನವರೂ ಕೂಡಾ ಹೃದಯಘಾತಕ್ಕೆ ಬಲಿಯಾಗುತ್ತಿದ್ದಾರೆ.. ಈ ಕಾರಣದಿಂದಾಗಿ ಹೃದಯ ಸಂಬಂಧಿ ಕಾಯಿಲೆಗಳ ಬಗ್ಗೆ ಜನರಲ್ಲಿ ಜಾಗೃತಿ ಮೂಡುತ್ತಿದೆ, ಜೊತೆಗೆ ಭಯವೂ ಹೆಚ್ಚಾಗುತ್ತಿದೆ… ಎದೆನೋವಿನಂತಹ ಲಕ್ಷಣಗಳು ಕಂಡು ಬಂದರೆ ತಕ್ಷಣ ವೈದ್ಯರ ಬಳಿ ಹೋಗುತ್ತಿದ್ದಾರೆ.. ಎದೆಯಲ್ಲಿ ಸಣ್ಣ ನೋವು ಬಂದರೂ ಕೆಲವರು ಹೃದಯಾಘಾತ ಎಂದು ಹೆದರಿ ತಕ್ಷಣ ಆಸ್ಪತ್ರೆಗೆ ಓಡುತ್ತಿದ್ದಾರೆ. ಜನರು ತಮ್ಮ ಆರೋಗ್ಯದ ಬಗ್ಗೆ ಜಾಗರೂಕರಾಗಿರುವುದು ಒಳ್ಳೆಯದು, ಆದರೆ ಸಣ್ಣ ಎದೆ ನೋವು ಕೂಡ ಹೃದಯಾಘಾತದ ಲಕ್ಷಣ ಎಂದು ಭಯಪಡುವುದು ತಪ್ಪು.. ಇದು ಮತ್ತೊಂದು ಕಾಯಿಲೆಯ ಲಕ್ಷಣ.. ವಾಸ್ತವವಾಗಿ, ಇದು ಹೃದಯ ಕಾಯಿಲೆಯ ಲಕ್ಷಣವಲ್ಲ. ಹೃದ್ರೋಗ ಎಂದು ತಪ್ಪಾಗಿ ಗ್ರಹಿಸುವ ಮಾನಸಿಕ ಕಾಯಿಲೆ. ಇದನ್ನು ವೈದ್ಯಕೀಯ ಭಾಷೆಯಲ್ಲಿ ಕಾರ್ಡಿಯೋಫೋಬಿಯಾ ಎನ್ನುತ್ತಾರೆ.
ಇದನ್ನೂ ಓದಿ; ಕಾಲ್‌ ಗರ್ಲ್‌ ಬೇಕಿದ್ದರೆ ಸಂಪರ್ಕಿಸಿ; ಪತ್ನಿ ಫೋಟೋ ಪೋಸ್ಟ್‌ ಮಾಡಿದ ಪತಿ!
ಏನಿದು ಕಾರ್ಡಿಯೋಫೋಬಿಯಾ..?;
ವೈದ್ಯರ ಹೇಳುವ ಪ್ರಕಾರ ಕಾರ್ಡಿಯೋಫೋಬಿಯಾ ಒಂದು ಆತಂಕ.. ಹೃದಯಾಘಾತದಂತಹ ಹೃದಯ ಸಂಬಂಧಿ ಕಾಯಿಲೆಗಳ ಬಗ್ಗೆ ವ್ಯಕ್ತಿಗೆ ಇರುವ ಭಯ. ಒಬ್ಬ ವ್ಯಕ್ತಿ ಯಾವುದೇ ಹೃದಯ ಸಮಸ್ಯೆ ಇಲ್ಲದಿದ್ದರೂ, ಕಾರ್ಡಿಯೋಫೋಬಿಯಾ ಹಿನ್ನೆಲೆಯಲ್ಲಿ ಹೃದಯಾಘಾತದ ಭಯವನ್ನು ಆತನಲ್ಲಿ ಪದೇ ಪದೇ ಉಂಟುಮಾಡುತ್ತದೆ. ಇದರಿಂದಾಗಿ ಮಾನಸಿಕ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ. ಇದು ಮನಸ್ಸಿನಲ್ಲಿ ಒಂದು ರೀತಿಯ ಫೋಬಿಯಾ ಸೃಷ್ಟಿ ಮಾಡುತ್ತದೆ… ಈ ಸಮಸ್ಯೆ ಇರುವವರು ಎದೆನೋವು, ಗ್ಯಾಸ್ ಸಮಸ್ಯೆ, ಎಡಗೈ ನೋವು ಹೃದಯಾಘಾತವಲ್ಲದಿದ್ದರೂ ಹೃದಯಾಘಾತ ಎಂದು ತಪ್ಪಾಗಿ ವೈದ್ಯರ ಬಳಿ ಹೋಗುವುದು ಮಾಡುತ್ತಾರೆ… ಇದು ಮುಂದೆ ಹಲವು ಸಮಸ್ಯೆಗಳಿಗೆ ದಾರಿ ಮಾಡಿಕೊಡುತ್ತದೆ..
ಇದನ್ನೂ ಓದಿ; ಡಾ.ಸಿ.ಎನ್‌.ಮಂಜುನಾಥ್‌ ಪರ ಪ್ರಚಾರ ಮಾಡಿದ್ದಕ್ಕೆ ವ್ಯಕ್ತಿ ಮೇಲೆ ಹಲ್ಲೆ!
ಕಾರ್ಡಿಯೋಫೋಬಿಯಾ ಏಕೆ ಸಂಭವಿಸುತ್ತದೆ..?;
ಕಳೆದ ಕೆಲವು ವರ್ಷಗಳಿಂದ ಹೃದಯಾಘಾತ ಪ್ರಕರಣಗಳು ತೀವ್ರಗತಿಯಲ್ಲಿ ಹೆಚ್ಚುತ್ತಿವೆ. ಈ ಕಾರಣದಿಂದ ಜನರು ಕಾರ್ಡಿಯೋಫೋಬಿಯಾಕ್ಕೆ ಬಲಿಯಾಗುತ್ತಾರೆ. ಈಗಾಗಲೇ ಕಳಪೆ ಮಾನಸಿಕ ಆರೋಗ್ಯ ಹೊಂದಿರುವ ಜನರು ಸಹ ಕಾರ್ಡಿಯೋಫೋಬಿಯಾಕ್ಕೆ ಬಲಿಯಾಗಬಹುದು. ಕೆಲವು ಸಂದರ್ಭಗಳಲ್ಲಿ ಈ ಸಮಸ್ಯೆಯು ಕೆಲವು ರೀತಿಯ ಆತಂಕದಿಂದಲೂ ಉಂಟಾಗಬಹುದು. ಕಾರ್ಡಿಯೋಫೋಬಿಯಾ ಎಂದರೆ ಹೃದಯಾಘಾತದ ಭಯ. ಅದು ಮುಂದೆ ದೊಡ್ಡ ಸಮಸ್ಯೆಗೂ ಕಾರಣವಾಗಬಹುದು. ಅಂತಹ ಪರಿಸ್ಥಿತಿಯಲ್ಲಿ ಹೃದ್ರೋಗದ ಲಕ್ಷಣಗಳು ಮತ್ತು ಸಾಮಾನ್ಯ ಸಮಸ್ಯೆಗಳ ನಡುವೆ ವ್ಯತ್ಯಾಸವನ್ನು ಕಂಡುಹಿಡಿಯುವುದು ಮುಖ್ಯವಾಗಿದೆ.
ಇದನ್ನೂ ಓದಿ; ಬದಲಾಗ್ತಿದೆಯಾ ಶಿವಮೊಗ್ಗ ರಾಜಕಾರಣದ ಚಿತ್ರಣ; ತೆರೆಮರೆಯ ತಂತ್ರಗಾರಿಕೆ ಏನು..?
ಈ ರೀತಿಯ ವ್ಯತ್ಯಾಸವನ್ನು ಗುರುತಿಸಿ;
ಹೃದಯಾಘಾತದ ಲಕ್ಷಣಗಳು ತೀವ್ರವಾದ ಎದೆನೋವು ಕಾಣಿಸಿಕೊಳ್ಳುತ್ತದೆ.. ಇದರೊಂದಿಗೆ ಚಡಪಡಿಕೆ ಮತ್ತು ಉಸಿರಾಟದ ತೊಂದರೆ ಹೆಚ್ಚಾಗುತ್ತದೆ. ಕೆಲವರಿಗೆ ವಾಕರಿಕೆ ಮತ್ತು ಶೀತದಂತಹ ಸಮಸ್ಯೆಗಳೂ ಶುರುವಾಗುತ್ತವೆ. ಆದರೆ ಕಾರ್ಡಿಯೋಫೋಬಿಯಾ ಇದ್ದರೆ, ತ್ವರಿತ ಹೃದಯ ಬಡಿತದಂತಹ ಸಮಸ್ಯೆಗಳಿರುತ್ತವೆ. ಹೃದಯದ ಸಮಸ್ಯೆ ಇದ್ದಲ್ಲಿ ಯಾವಾಗ ಬೇಕಾದರೂ ಎದೆನೋವು ಬರಬಹುದು. ಆದರೆ ಕಾರ್ಡಿಯೋಫೋಬಿಯಾದಲ್ಲಿ, ಭಾವನಾತ್ಮಕ ಒತ್ತಡದ ಸಮಯದಲ್ಲಿ ಎದೆಯಲ್ಲಿ ನೋವು ಉಂಟಾಗುತ್ತದೆ. ಆದರೆ ವಾಸ್ತವವಾಗಿ ಇದು ಅಂತಹ ನೋವು ಅಲ್ಲ. ಒತ್ತಡದಿಂದಾಗಿ ಎದೆಯಲ್ಲಿ ನೋವಿನ ಭಾವನೆ. ಏಕೆಂದರೆ ಪದೇ ಪದೇ ಅದರ ಬಗ್ಗೆ ಯೋಚಿಸುವುದು ನೋವು ಎಂದು ಭಾಸವಾಗುತ್ತದೆ ಅಷ್ಟೇ.
ಇದನ್ನೂ ಓದಿ; ಹಿಂದೂ ಸಂಸ್ಕೃತಿ ಮೇಲೆ ಕಾಂಗ್ರೆಸ್ ಕಾಕದೃಷ್ಟಿ; ಜೆಡಿಎಸ್ ಆಕ್ರೋಶ
