ನಿಮ್ಮ ಈ ವರ್ತನೆಯೂ ಡಿಪ್ರೆಷನ್‌ ಲಕ್ಷಣವೇ..; ಎಚ್ಚರ ಎಚ್ಚರ..!

ಆರೋಗ್ಯ ಸಮಸ್ಯೆಗಳು ಕೇವಲ ದೈಹಿಕ ಸಮಸ್ಯೆಗಳು ಎಂದು ಜನರು ಭಾವಿಸುತ್ತಿದ್ದರು. ಆದರೆ ಈಗ ಮಾನಸಿಕ ಸಮಸ್ಯೆಯನ್ನೂ ವೈದ್ಯಕೀಯ ಭಾಷೆಯ್ಲಿ ಆರೋಗ್ಯ ಸಮಸ್ಯೆ ಎಂದು ಪರಿಗಣಿಸಲಾಗುತ್ತದೆ.. ಈ ಮಾನಸಿಕ ರೋಗದ ಬಗ್ಗೆ ಎಲ್ಲರಲ್ಲೂ ಜಾಗೃತಿ ಮೂಡುತ್ತಿದೆ. ಮಾನಸಿಕ ಸಮಸ್ಯೆಗಳಿಗೂ ಔಷಧಿ ಇದೆ ಅನ್ನೋದು ಈಗ ಎಲ್ಲರಿಗೂ ಗೊತ್ತಾಗುತ್ತಿದೆ.. ಇದನ್ನು ಗುಣಪಡಿಸಬಹುದು ಎಂಬ ಜಾಗೃತಿ ಕೂಡಾ ಮೂಡುತ್ತಿದೆ.. ಆದರೆ ಚಿಕಿತ್ಸೆಗೆ ಮುನ್ನ ನಾವು ನಿಜವಾಗಿಯೂ ಮಾನಸಿಕ ಸಮಸ್ಯೆಗಳಿಂದ ಬಳಲುತ್ತಿದ್ದೇವೆ ಎಂದು ತಿಳಿಯುವುದು ಹೇಗೆ..? ರೋಗಲಕ್ಷಣಗಳೇನು..? ನೋಡೋಣ ಬನ್ನಿ..

ಇದನ್ನೂ ಓದಿ; ಬೇಸಿಗೆಯಲ್ಲಿ ಮಧುಮೇಹಿಗಳು ಕುಡಿಯಬಹುದಾದ ಪಾನೀಯಗಳಿವು..!

ದೇಹದ ಉಷ್ಣತೆಯ ಹೆಚ್ಚಳವೂ ಖಿನ್ನತೆಯ ಲಕ್ಷಣ;

ಅಧ್ಯಯನವೊಂದರ ಪ್ರಕಾರ ದೇಹದ ಉಷ್ಣತೆಯ ಹೆಚ್ಚಳವೂ ಕೂಡಾ ಖಿನ್ನತೆಯ ಲಕ್ಷಣವಂತೆ. ಪ್ರಪಂಚದಾದ್ಯಂತದ 20,000 ಭಾಗವಹಿಸುವವರು ಈ ಅಧ್ಯಯನದಲ್ಲಿ ಭಾಗವಹಿಸಿದ್ದಾರೆ. ಇದರ ಭಾಗವಾಗಿ, ಮಾನವ ದೇಹದ ಉಷ್ಣತೆಯನ್ನು ಪರಿಗಣಿಸಲಾಗುತ್ತದೆ. ಈ ಅಧ್ಯಯನವು 2020 ರಲ್ಲಿ ಪ್ರಾರಂಭವಾಯಿತು ಮತ್ತು ಸುಮಾರು 7 ತಿಂಗಳವರೆಗೆ ಮುಂದುವರೆಯಿತು. ಸಂಶೋಧನೆಗಳ ಆಧಾರದ ಮೇಲೆ, ಖಿನ್ನತೆಯಿಂದ ಬಳಲುತ್ತಿರುವವರು ಇತರರಿಗಿಂತ ಹೆಚ್ಚಿನ ದೇಹದ ಉಷ್ಣತೆಯನ್ನು ಹೊಂದಿರುತ್ತಾರೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ; ಮುಂಬೈ ಇಂಡಿಯನ್ಸ್‌ ಸತತ ಸೋಲು; ಕಂಗೆಟ್ಟ ಪಾಂಡ್ಯ ದೇವರ ಮೊರೆ!

ಖಿನ್ನತೆ ಇರುವವರಲ್ಲಿ ಹೃದಯದ ಬಡಿತ ಹೆಚ್ಚು;

ಖಿನ್ನತೆಗೆ ಒಳಗಾದವರಲ್ಲಿ ಹೆಚ್ಚಿದ ಹೃದಯ ಬಡಿತ ಮತ್ತು ವೇಗವಾಗಿ ರಕ್ತ ಪರಿಚಲನೆಯಿಂದಾಗಿ ದೇಹವು ಸಾಮಾನ್ಯಕ್ಕಿಂತ ಹೆಚ್ಚು ಬಿಸಿಯಾಗುತ್ತದೆ. ಖಿನ್ನತೆಯಿಂದ ಬಳಲುತ್ತಿರುವವರು ಯಾವಾಗಲೂ ದುಃಖ ಮತ್ತು ಅಸಹಾಯಕರಾಗಿರುತ್ತಾರೆ. ಕಿರಿಕಿರಿ, ದೈನಂದಿನ ಚಟುವಟಿಕೆಗಳಲ್ಲಿ ಆಸಕ್ತಿ ಕಳೆದುಕೊಳ್ಳುವುದು ಮತ್ತು ಯಾವುದೇ ಕೆಲಸದಲ್ಲಿ ಗಮನಹರಿಸಲು ಸಾಧ್ಯವಾಗದಿರುವುದು ಕೂಡ ಖಿನ್ನತೆಯ ಲಕ್ಷಣಗಳಾಗಿವೆ ಎಂದು ತಜ್ಞರು ಹೇಳುತ್ತಾರೆ.

ಇದನ್ನೂ ಓದಿ; ತಿರುಪತಿ ತಿಮ್ಮಪ್ಪನಿಗೆ ಭಾರೀ ಪುಷ್ಪ ಯಜ್ಞ; ಏನಿದರ ಉದ್ದೇಶ..?

ಇಂತಹ ಸಮಸ್ಯೆ ಇದ್ದರೆ ಕೂಡಲೇ ವೈದ್ಯರನ್ನು ಸಂಪರ್ಕಿಸಿ;

ನೀವು ದೀರ್ಘಕಾಲದವರೆಗೆ ಇಂತಹ ರೋಗಲಕ್ಷಣಗಳಿಂದ ಬಳಲುತ್ತಿದ್ದರೆ, ನೀವು ವೈದ್ಯರನ್ನು ಸಂಪರ್ಕಿಸಬೇಕು ಎಂದು ತಜ್ಞರು ಹೇಳುತ್ತಾರೆ. ಇದಕ್ಕಾಗಿ ಮಾತ್ರೆಗಳು ಸಹ ಲಭ್ಯವಿದೆ. ಆದರೆ ಮಾನಸಿಕ ಆರೋಗ್ಯದ ಬಗ್ಗೆ ಅರಿವಿನ ಕೊರತೆಯಿಂದ ಅನೇಕರು ಇದನ್ನು ಸುಲಭವಾಗಿ ತೆಗೆದುಕೊಳ್ಳುತ್ತಿದ್ದಾರೆ ಎಂದು ತಜ್ಞರು ಹೇಳುತ್ತಾರೆ. ಜನರಲ್ಲಿ ಹೆಚ್ಚಿನ ಜಾಗೃತಿ ಮೂಡಿಸುವ ಅಗತ್ಯವಿದೆ ಎಂದು ಹೇಳಿದರು.