ಐದು ಅಸ್ಥಿಪಂಜರಗಳು ಪತ್ತೆ ಪ್ರಕರಣ; ಅಕ್ಕಪಕ್ಕದ ಮನೆಗಳವರು ಖಾಲಿ!

ಚಿತ್ರದುರ್ಗ; ಚಿತ್ರದುರ್ಗದ ಜಿಲ್ಲಾ ಕಾರಾಗೃಹದ ರಸ್ತೆಯಲ್ಲಿ ಯಾವಾಗಲೂ ಜನರ ಓಡಾಟ ಇರುತ್ತಿತ್ತು. ಆದ್ರೆ ನಿನ್ನೆಯಿಂದ ಆ ರಸ್ತೆ ಬಿಕೋ ಎನ್ನುತ್ತಿದೆ. ಹಲವು ಮನೆಗಳ ನಿವಾಸಿಗಳು ಬೀಗ ಜಡಿದು ನೆಂಟರ ಊರುಗಳಿಗೆ ತೆರಳಿದ್ದಾರೆ. ನಿನ್ನೆ ಈ ರಸ್ತೆಯ ಪಾಳುಬಿದ್ದ ಮನೆಯಲ್ಲಿ ಐದು ಅಸ್ಥಿಪಂಜರಗಳು ಸಿಕ್ಕಿದ್ದವು. ಇದರಿಂದಾಗಿ ಭಯಬಿದ್ದ ಅಕ್ಕ ಪಕ್ಕದ ಮನೆಗಳನ್ನು ಮನೆಗಳಿಗೆ ಬೀಗ ಹಾಕಿಕೊಂಡು ಬೇರೆ ಊರುಗಳಿಗೆ ತೆರಳಿದ್ದಾರೆ. ಇದರಿಂದಾಗಿ ರಸ್ತೆ ಬಹುತೇಕ ಬಿಕೋ ಎನ್ನುತ್ತಿದೆ.

ಇನ್ನು ಈ ರಸ್ತೆಯಲ್ಲಿ ನಾಗರಿಕರು ಬೆಳಗ್ಗೆ ಹಾಗೂ ಸಂಜೆಯ ಸಮಯದಲ್ಲಿ ವಾಕಿಂಗ್‌ ಮಾಡುತ್ತಿದ್ದರು. ಆದ್ರೆ ಅಸ್ಥಿಪಂಜರಗಳು ಸಿಕ್ಕ ಮೇಲೆ ಅದನ್ನೂ ಕೂಡಾ ನಿಲ್ಲಿಸಿದ್ದಾರೆ. ಬಹುತೇಕರು ಆ ಪಾಳುಬಿದ್ದ ಮನೆ ಕಡೆಯೇ ಸುಳಿಯುತ್ತಿಲ್ಲ. ಈ ಮನೆಯಲ್ಲಿ ಜಗನ್ನಾಥ್‌ ರೆಡ್ಡಿ ಅವರ ಕುಟುಂಬ ವಾಸವಿತ್ತು. ಕರೊನಾ ಸಮಯದಲ್ಲಿ ಮನೆಯವರೆಲ್ಲಾ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಡೆತ್‌ನೋಟ್‌ ಕೂಡಾ ಬರೆದಿಟ್ಟಿದ್ದಾರೆ. ಆದ್ರೆ ಇದುವರೆಗು ಯಾರೂ ಇದನ್ನು ನೋಡಿಕೊಂಡಿರಲಿಲ್ಲ. ಹೀಗಾಗಿ ಮೃತದೇಹಗಳು ಅಲ್ಲಿಯೇ ಕೊಳೆತು ಅಸ್ಥಿಪಂಜರಗಳಾಗಿದ್ದವು.