ಕುಟುಂಬಸ್ಥರ ಎದುರೇ ಮೂವರು ಮಹಿಳೆಯರ ಮೇಲೆ ಗ್ಯಾಂಗ್‌ ರೇಪ್‌
ಚಂಡೀಗಢ; ದರೋಡೆ ಮಾಡಲೆಂದು ಬಂದು ಗುಂಪೊಂದು ಮನೆಯವರನ್ನೆಲ್ಲಾ ಕಟ್ಟಿಹಾಕಿ, ಅವರ ಕಣ್ಣೆದುರೇ ಮೂವರು ಮಹಿಳೆಯರ ಮೇಲೆ ಸಾಮೂಹಿಕ ಅತ್ಯಾಚಾರ ಎಸಗಲಾಗಿದೆ. ಹರಿಯಾಣದ ಪಾಣಿಪತ್‌ ಎಂಬಲ್ಲಿ ಈ ಕೃತ್ಯೆ ಅಸಗಲಾಗಿದೆ. ಮನೆಯವರೇ ಎದುರೇ ಅತ್ಯಾಚಾರ ಎಸಲಾಗಿದ್ದು, ಕೃತ್ಯದ ನಂತರ ಮನೆಯಲ್ಲಿದ್ದ ನಗದು ಹಾಗೂ ಚಿನ್ನಾಭರಣವನ್ನು ದೋಚಲಾಗಿದೆ.
ಮೂವರೂ ಮಹಿಳೆಯರು ಕೂಲಿ ಕಾರ್ಮಿಕರಾಗಿದ್ದಾರೆ. ಮಾರಕಾಸ್ತ್ರಗಳನ್ನು ತಂದಿದ್ದ ದುಷ್ಕರ್ಮಿಗಳು, ಅದನ್ನು ತೋರಿಸಿ ಮನೆಯವರನ್ನು ಬೆದರಿಸಿದ್ದಾರೆ. ಅನಂತರ ಮನೆಯಲ್ಲಿದ್ದ ಗಂಡಸರನ್ನು ಹಗ್ಗಗಳಿಂದ ಕಟ್ಟಿ ಹಾಕಿದ್ದಾರೆ. ಮತ್ತೆ ಮನೆಯಲ್ಲಿದ್ದ ಮೂವರು ಮಹಿಳೆಯರ ಮೇಲೆ ಅತ್ಯಾಚಾರ ಎಸಗಿ ಪರಾರಿಯಾಗಿದ್ದಾರೆ. ಇದಕ್ಕೂ ಮೊದಲು ಈ ಘಟನಾ ಸ್ಥಳದಿಂದ ಒಂದು ಕಿಲೋ ಮೀಟರ್‌ ದೂರದಲ್ಲೂ ದಂಪತಿ ಮೇಲೆ ಹಲ್ಲೆ ನಡೆಸಿ ದರೋಡೆ ಮಾಡಲಾಗಿದೆ. ಈ ಮಹಿಳೆಯನ್ನು ಕೊಲೆ ಮಾಡಲಾಗಿದೆ.
ಎರಡೂ ಪ್ರಕರಣದಲ್ಲೂ ಒಂದೇ ಗುಂಪು ಭಾಗಿಯಾಗಿದೆ ಎಂದು ಪೊಲೀಸರು ಶಂಕಿಸಿದ್ದಾರೆ. ಆರೋಪಿಗಳಿಗಾಗಿ ಹುಡುಕಾಟ ನಡೆಸಲಾಗುತ್ತಿದೆ. ಪಾಣಿಪತ್‍ನ ಮಟ್ಲೌಡಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
