ಐದು ವರ್ಷ ನಿಖಿಲ್‌ಗೆ ರಾಜಕೀಯ ಬೇಡ, ಕಲಾವಿದನಾಗಿರಲಿ; ಹೆಚ್‌.ಡಿ.ಕುಮಾರಸ್ವಾಮಿ
ಮಂಡ್ಯ; ಇನ್ನೂ ಐದು ವರ್ಷ ಚುನಾವಣೆ ಬೇಡ ಎಂದು ನಿಖಿಲ್‌ಗೆ ಹೇಳಿದ್ದೇನೆ. ನಿಖಿಲ್‌ ಕಲಾವಿದನಾಗಿ ಜೀವನ ರೂಪಿಸಿಕೊಳ್ಳಲಿ ಎಂದು ಮಾಜಿ ಸಿಎಂ ಹೆಚ್‌.ಡಿ.ಕುಮಾರಸ್ವಾಮಿ ಹೇಳಿದ್ದಾರೆ. ಮಂಡ್ಯದಲ್ಲಿ ಮಾತನಾಡಿದ ಅವರು, ಕಳೆದ ಬಾರಿ ಕೂಡಾ ಲೋಕಸಭಾ ಚುನಾವಣೆಯಲ್ಲಿ ಸ್ಪರ್ಧೆ ಮಾಡೋದಕ್ಕೆ ನಿಖಿಲ್‌ ತಯಾರಿರಲಿಲ್ಲ. ಕಾರ್ಯಕರ್ತರು ಹಾಗೂ ಶಾಸಕರ ಒತ್ತಡಕ್ಕೆ ನಿಲ್ಲಿಸಬೇಕಾಯ್ತು. ಜನಾಭಿಪ್ರಾಯಕ್ಕೆ ತಲೆಬಾಗಲೇಬೇಕು ಎಂದು ಅವರು ಹೇಳಿದ್ದಾರೆ.
ನಿಖಿಲ್‌ಗೆ ಭಗವಂತ ಕೊಟ್ಟ ಕಲೆ ಇದೆ. ಹೀಗಾಗಿ ರಾಜಕೀಯದ ಸಹವಾಸಕ್ಕೆ ಹೋಗದೇ ಅದನೇ ಮುಂದುವರೆಸುವಂತೆ ಹೇಳಿದ್ದೇವೆ. ಈಗಾಗಲೇ ಮೂರು ಚಿತ್ರಗಳನ್ನು ನಿರ್ಮಾಣ ಮಾಡಲು ಹಲವು ಸಂಸ್ಥೆಗಳು ಮುಂದೆ ಬಂದಿವೆ ಎಂದು ಹೆಚ್ಡಿಕೆ ಹೇಳಿದ್ದಾರೆ.
