ಮೆಕ್ಸಿಕೋದಲ್ಲಿ ಹೆಲಿಕಾಪ್ಟರ್‌ ಪತನ; ನೌಕಾಪಡೆಯ 14 ಸಿಬ್ಬಂದಿ ದುರ್ಮರಣ
ಮೆಕ್ಸಿಕೊ; ಉತ್ತರ ಮೆಕ್ಸಿಕೊದಲ್ಲಿ ನೌಕಪಡೆಯ ಬೆಂಗಾವಲು ಹೆಲಿಕಾಪ್ಟರ್‌ ಪತನಗೊಂಡು ದುರಂತ ನಡೆದಿದೆ. ದುರಂತದಲ್ಲಿ 14 ಮಂದಿ ನೌಕಾಪಡೆಯ ಸಿಬ್ಬಂದಿ ಸಾವನ್ನಪ್ಪಿದ್ದಾರೆ. ಕುಖ್ಯಾತ ಮಾದಕ ವಸ್ತು ಕಳ್ಳ ಸಾಗಣೆದಾರನೊಬ್ಬನನ್ನು ಬಂಧಿಸಿ ಕರೆದೊಯ್ಯುತ್ತಿದ್ದ ಸಮಯದಲ್ಲಿ ಈ ದುರ್ಘಟನೆ ನಡೆದಿದೆ.
ಮೆಕ್ಸಿಕೊದ ಸಿನಾಲೋವಾದಲ್ಲಿ ಗ್ವಾಡಲಜರಾ ಕಾರ್ಟೆಲ್‌ ಸಂಸ್ಥಾಪಕ ರಾಫೆಲ್ ಕ್ಯಾರೊ ಕ್ವಿಂಟೆರೊ ನನ್ನು ಬಂಧಿಸಲಾಗಿತ್ತು. ನೌಕಾಪಡೆಯ ಬ್ಲ್ಯಾಕ್ ಹಾಕ್ ಹೆಲಿಕಾಪ್ಟರ್‌ನಲ್ಲಿ ಆತನನ್ನು ಕರೆದೊಯ್ಯಲಾಗುತ್ತಿತ್ತು. ಅದಕ್ಕೆ ಮತ್ತೊಂದು ಹೆಲಿಕಾಪ್ಟರ್‌ ಬೆಂಗಾವಲು ಮಾಡುತ್ತಿತ್ತು. ಈ ಅಪಘಾತದಲ್ಲಿ ಒಬ್ಬರು ಬದುಕುಳಿದಿದ್ದು, ಅಪಘಾತಕ್ಕೆ ಕಾರಣ ಇನ್ನೂ ತಿಳಿದುಬಂದಿಲ್ಲ.
