ರೆಬಲ್‌ ಸ್ಟಾರ್‌ಗೆ ನಾಯಕಿಯಾಗಿ ಶ್ರೀಲೀಲಾ..ಟಾಲಿವುಡ್ ಅಂಗಳದಲ್ಲಿ ಹೀಗೊಂದು ಚರ್ಚೆ
ಹೈದರಾಬಾದ್: ರಾಘವೇಂದ್ರ ರಾವ್ ನಿರ್ದೇಶನದ ‘ಪೆಳ್ಳಿ ಸಂದಡಿ’ ಸಿನಿಮಾ ಬಳಿಕ ನಟಿ ಶ್ರೀಲೀಲಾಗೆ ನಸೀಬೆ ಬದಲಾಗಿದೆ. ಕಳೆದ ವರ್ಷ ದಸರಾ ಸಂದರ್ಭದಲ್ಲಿ ತೆರೆಕಂಡಿದ್ದ ಚಿತ್ರ ನಿರೀಕ್ಷಿತ ಯಶಸ್ಸು ಗಳಿಸಿರಲಿಲ್ಲ. ಆದರೆ ಈ ಸಿನಿಮಾದ ಮೂಲಕ ನಾಯಕಿ ಶ್ರೀಲಿ ತೆಲುಗಿನಲ್ಲಿ ಒಳ್ಳೆಯ ಹೆಸರು ಪಡೆದಿದ್ದಾರೆ. ಕನ್ನಡದಲ್ಲಿ ಮಾತ್ರವಲ್ಲದೆ ತೆಲುಗಿನಲ್ಲೂ ಕೂಡಾ ಸಾಲು ಸಾಲಿ ಚಿತ್ರಗಳಲ್ಲಿ ಶ್ರೀಲೀಲಾ ಬ್ಯುಸಿಯಾಗಿದ್ದಾರೆ.
ಶ್ರೀಲೀಲಾ ಸದ್ಯ ರವಿತೇಜಗೆ ನಾಯಕಿಯಾಗಿ ‘ಧಮಾಕಾ’ ಚಿತ್ರದಲ್ಲಿ ನಟಿಸುತ್ತಿದ್ದಾರೆ, ಪ್ರೇಮಿಗಳ ದಿನದಂದು ಧಮಾಕಾ ಚಿತ್ರತಂಡ ಶ್ರೀಲೀಲಾ ಪೋಸ್ಟರ್ ಅನ್ನು ಸಹ ಬಿಡುಗಡೆ ಮಾಡಿದೆ. ಇದರ ಜೊತೆಗೆ ನವೀನ್ ಪೋಲಿಸೆಟ್ಟಿ ನಿರ್ದೇಶನದ ‘ಅನಗನಗ ಒಕರಾಜು’ ಸಿನಿಮಾದಲ್ಲೂ ನಟಿಸುತ್ತಿರುವ ಶ್ರೀಲಿಲಾಗೆ ಮತ್ತೊಂದು ದೊಡ್ಡ ಬಂಪರ್ ಆಫರ್ ಬಂದಿದೆ ಎನ್ನಲಾಗ್ತಿದೆ.
ಇದೀಗ ಪ್ಯಾನ್ ಇಂಡಿಯಾ ಸಿನಿಮಾಗಳ ಮೂಲಕ ರಾಷ್ಟ್ರಮಟ್ಟದ ಸ್ಟಾರ್ ಎನಿಸಿಕೊಂಡಿರುವ ರೆಬೆಲ್ ಸ್ಟಾರ್ ಪ್ರಭಾಸ್ ಜೊತೆ ಬಾಲಿವುಡ್ ಮತ್ತು ಟಾಲಿವುಡ್ ಸ್ಟಾರ್ ಹೀರೋಯಿನ್ ಗಳಿಗೆ ಮಾತ್ರ ಅವಕಾಶವಿದೆ. ಈ ನಡುವೆ ಪ್ರಭಾಸ್‌ಗೆ ಜೋಡಿಯಾಗುವ ಅವಕಾಶ ಶ್ರೀಲಿಗೆ ಸಿಕ್ಕಿದೆ ಎಂಬುದು ಲೇಟೆಸ್ಟ್ ಟಾಕ್.
ಪ್ರಭಾಸ್ ಪ್ಯಾನ್ ಇಂಡಿಯಾ ಸಿನಿಮಾಗಳ ಪಟ್ಟಿಯಲ್ಲಿ ತೆಲುಗು ನಿರ್ದೇಶಕ ಮಾರುತಿ ಕೂಡ ಇರುವುದು ಗೊತ್ತೇ ಇದೆ. ಮಾರುತಿ ಕೂಡ ಈ ಸುದ್ದಿಯನ್ನು ಸಂಪೂರ್ಣವಾಗಿ ನಿರಾಕರಿಸಿಲ್ಲ ಮತ್ತು ಇದು ನಿಜ ಎಂದು ಖಚಿತಪಡಿಸಿದ್ದಾರೆ. ರಾಜಾ ಡಿಲಕ್ಸ್ ಎಂಬ ಶೀರ್ಷಿಕೆಯೊಂದಿಗೆ ಹಾರರ್ ಕಾಮಿಡಿಯಾಗಿ ತೆರೆಕಾಣುತ್ತಿರುವ ಈ ಚಿತ್ರದಲ್ಲಿ ಸ್ಟಾರ್ ಹೀರೋ ಎದುರು ಮೂವರು ನಾಯಕಿಯರು ನಟಿಸಲಿದ್ದಾರೆ ಎಂಬ ಸುದ್ದಿಯೂ ಇದೆ. ಈ ಮೂವರಲ್ಲಿ ಶ್ರೀಲೀಲಾ ನಾಯಕಿ ಹೆಸರು ಥಳಕು ಹಾಕಿಕೊಂಡಿದೆ. ಇದೇ ನಿಜವಾದರೆ ಶ್ರೀಲೀಲಾ ಸ್ಟಾರ್ ಗಿರಿ ಬದಲಾದಂತೆಯೇ…ಅಂತಿದಾರೆ ಸಿನಿಮಾ ಮಂದಿ.
