ಸಲಾರ್‌ ಚಿತ್ರತಂಡದಿಂದ ಶೃತಿ ಹಾಸನ್ ಗೆ ಬರ್ತಡೇ ಗಿಫ್ಟ್
ಹೈದರಾಬಾದ್‌ : ನಿರ್ದೇಶಕ ಪ್ರಶಾಂತ್‌ ನೀಲ್‌ ಮತ್ತು ಪ್ರಭಾಸ್‌ ಅವರ ಬಿಗ್‌ ಬಜೆಟ್‌ ಸಿನಿಮಾ ಸಲಾರ್‌ ಸೆಟ್ಟೇರಿರುವ ಬಗ್ಗೆ ನಮಗೆಲ್ಲಾ ತಿಳಿದಿದೆ. ಇನ್ನು ಪ್ರಭಾಸ್‌ ಅವರ ಫರ್ಸ್ಟ್‌ ಲುಕ್‌ ನೋಡಿ ಸಿನಿಮಾ ಮಂದಿ ಸಾಕಷ್ಟು ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಇನ್ನು ಈ ಚಿತ್ರದಲ್ಲಿ ಶೃತಿ ಹಾಸನ್ ಅವರು ನಾಯಕಿಯಾಗಿ ನಟಿಸುತ್ತಿದ್ದಾರೆ ಎಂದು ಚಿತ್ರತಂಡ ಹೇಳಿಕೊಂಡಿತ್ತು.
ಸದ್ಯ 36ನೇ ವಸಂತಕ್ಕೆ ಕಾಲಿಟ್ಟಿರುವ ಶೃತಿ ಹಾಸನ್ ಅವರಿಗೆ ಚಿತ್ರತಂಡ ಶುಭ ಕೋರಿದೆ. ಆದ್ಯ ಪಾತ್ರಧಾರಿ ಆಗಿರುವ ಶೃತಿ ಅವರಿಗೆ ಪೋಸ್ಟರ್‌ ರಿಲೀಸ್‌ ಮಾಡುವ ಮೂಲಕ ಹೊಂಬಾಳೆ ಸಂಸ್ಥೆ ಮತ್ತು ನಿರ್ದೇಶಕ ಪ್ರಶಾಂತ್‌ ನೀಲ್‌ ಶುಭ ಕೋರಿದ್ದಾರೆ. ಶೃತಿ ಅವರ ಸಲಾರ್‌ ಲುಕ್‌ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ವೈರಲ್‌ ಆಗ್ತಿದೆ.
ಹೊಂಬಾಳೆ ಸಂಸ್ಥೆ ನಿರ್ಮಿಸುತ್ತಿರುವ ಸಲಾರ್‌ ಚಿತ್ರಕ್ಕೆ ರವಿ ಬಸ್ರೂರು ಅವರ ಸಂಗೀತ ನಿರ್ದೇಶನ ಇದೆ, ಭುವನ್‌ ಅವರ ಕ್ಯಾಮರ ಕೈಚಳಕ ಇರಲಿದೆ. ಸಲಾರ್‌ ಚಿತ್ರದಲ್ಲಿ ಪ್ರಭಾಸ್‌ ಅವರ ಎದುರಿಗೆ ಜಗಪತಿ ಬಾಬು ಅವರು ಬಣ್ಣ ಹಚ್ಚುತ್ತಿದ್ದಾರೆ.
Happy birthday @shrutihaasan.
Thank u for being a part of #Salaar, and bringing in a tad bit of color to the sets !#HBDShrutiHaasan #Prabhas @VKiragandur @hombalefilms @HombaleGroup @IamJagguBhai@RaviBasrur @bhuvangowda84 pic.twitter.com/vkpwUd2f3j— Prashanth Neel (@prashanth_neel) January 28, 2022
