ಮಹಿಳೆಯರ ಬಗ್ಗೆ ಹಗುರ ಹೇಳಿಕೆ: ರಮೇಶ್‌ಕುಮಾರ್‌ ಕ್ಷಮೆಯಾಚನೆಗೆ ಆಗ್ರಹ
ಬೆಳಗಾವಿ: ನಿನ್ನೆ ವಿಧಾನಸಭೆಯಲ್ಲಿ ಉದಾಹರಣೆ ಕೊಡುವಾಗಿ ಮಾಜಿ ಸ್ಪೀಕರ್‌ ರಮೇಶ್‌ ಕುಮಾರ್‌ ಮಹಿಳೆಯರ ಬಗ್ಗೆ ಅವಹೇಳನ ಮಾಡಿದ ರೀತಿಯಲ್ಲಿ ಮಾತನಾಡಿದ್ದರು. ಇದಕ್ಕೆ ತೀವ್ರ ವಿರೋಧ ವ್ಯಕ್ತವಾಗುತ್ತಿದೆ. ರಮೇಶ್‌ ಕುಮಾರ್‌ ಗೆ ತಪ್ಪಿನ ಅರಿವಾಗಿ ಟ್ವಿಟರ್‌ನಲ್ಲಿ ಕ್ಷಮೆಯಾಚಿಸಿದ್ದಾರೆ. ಆದರೆ ರಮೇಶ್‌ ಕುಮಾರ್‌ ಅವರು, ಸದನದಲ್ಲೇ ಕ್ಷಮೆಯಾಚಿಸಬೇಕೆಂದು ಮಹಿಳಾ ಸದಸ್ಯರು ಹಾಗೂ ಬಿಜೆಪಿ ನಾಯಕರು ಆಗ್ರಹಿಸಿದ್ದಾರೆ.
ಈ ಬಗ್ಗೆ ಮಾತನಾಡಿರುವ ಮಾಜಿ ಸಿಎಂ ಯಡಿಯೂರಪ್ಪ, ಹಿರಿಯರಾಗಿರುವ ರಮೇಶ್‌ ಕುಮಾರ್‌ ಅವರು ಈ ರೀತಿ ಮಾತನಾಡಬಾರದಿತ್ತು. ಅವರ ಹೇಳಿಕೆಯನ್ನು ಖಂಡಿಸುತ್ತೇನೆ. ಅವರು ಸದನದಲ್ಲಿ ಕ್ಷಮೆಯಾಚಿಸಬೇಕು ಎಂದು ಆಗ್ರಹಿಸಿದರು. ಇನ್ನು ಇದೇ ವೇಳೆ ಮಾತನಾಡಿದ ಸಚಿವ ಮುನಿರತ್ನ ಅವರು, ರಮೇಶ್‌ ಕುಮಾರ್‌ ಅವರು ಮುಂದಿನ ಜನ್ಮದಲ್ಲಿ ಹೆಣ್ಣಾಗಿ ಹುಟ್ಟಬೇಕು. ಇಂತಹ ಅವಮಾನಗಳನ್ನು ಅನುಭವಿಸಬೇಕು ಎಂದು ಆಗ್ರಹಿಸಿದರು.
ಇನ್ನು ಪಕ್ಷಾತೀತವಾಗಿ ಶಾಸಕಿಯರು ರಮೇಶ್‌ ಕುಮಾರ್‌ ಹೇಳಿಕೆ ವಿರುದ್ಧ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ರಮೇಶ್‌ ಕುಮಾರ್‌ ಸದನದಲ್ಲೇ ಕ್ಷಮೆ ಕೇಳಬೇಕೆಂದು ಶಾಸಕಿಯರು ಆಗ್ರಹಿಸಿದ್ದಾರೆ.
