ಜೈಪುರದಲ್ಲಿ ಕತ್ರಿನಾ ಕೈಫ್ ಮದುವೆ ಸಂಭ್ರಮ
ಜೈಪುರ: ಬಾಲಿವುಡ್‌ ನಟಿ ಕತ್ರಿನಾ ಕೈಫ್ ಹಾಗೂ ವಿಕ್ಕಿ ಕೌಶಲ್ ಮದುವೆ ಸಮಾರಂಭ ಇಂದಿನಿಂದ ಆರಂಭವಾಗಿದೆ. ಇಂದಿನಿಂದ ಮೂರು ದಿನಗಳ ಕಾಲ ಮದುವೆ ಸಮಾರಂಭ ನಡೆಯಲಿದೆ.
ಪ್ರಸಿದ್ಧ ಚಲನಚಿತ್ರ ನಟಿಯರಾದ ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ಅವರ ವಿವಾಹ ಸಮಾರಂಭವು ಸವಾಯಿ ಮಾಧೋಪುರ್ ಜಿಲ್ಲೆಯ ಚೌತ್ ನ ಬರ್ವಾರ ಪಟ್ಟಣದ ಸಿಕ್ಸ್ ಸೆನ್ಸ್ ಬಡಾ ಫೋರ್ಟ್ ಹೋಟೆಲ್ ನಲ್ಲಿ ನಡೆಯಲಿದೆ. ಕತ್ರಿನಾ ಅವರ ಸಹೋದರ ಸಬ್ ಸ್ಟೆನ್ಸ್ ಲಾರೆಂಟ್ ಮೈಕೆಲ್ ರಾತ್ರಿ ರಸ್ತೆಯ ಮಾರ್ಗವಾಗಿ ಸಿಕ್ಸ್ ಸೆನ್ಸ್ ಬರ್ವಾರಾ ಫೋರ್ಟ್ ಹೋಟೆಲ್ ತಲುಪಿದರು. ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ಅವರ ವಿವಾಹ ಸಮಾರಂಭ ಇಂದಿನಿಂದ ಡಿಸೆಂಬರ್ ೯ ರವರೆಗೆ ಸಿಕ್ಸ್ ಸೆನ್ಸ್ ಹೋಟೆಲ್ ನಲ್ಲಿ ನಡೆಯಲಿದೆ.
ಜೈಪುರದಲ್ಲಿ ನಡೆಯುತ್ತಿರುವ ಮದುವೆ ಸಂಭ್ರಮದಲ್ಲಿ ಎರಡೂ ಕಡೆಯ ಸಂಬಂಧಿಗಳು, ನಟ, ನಟಿಯರು ಭಾಗವಹಿಸಲಿದ್ದಾರೆ. ಚಲನಚಿತ್ರ ನಟ ಶಾರುಖ್ ಖಾನ್, ನಿರ್ದೇಶಕ ಕರಣ್ ಜೋಹರ್, ನಟ ಅಕ್ಷಯ್ ಕುಮಾರ್, ಹೃತಿಕ್ ರೋಷನ್ ಮುಂತಾದವರು ಕತ್ರಿನಾ ಕೈಫ್ ಮದುವೆ ಸಂಭ್ರಮದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಅನುಷ್ಕಾ ಶರ್ಮಾ ಹಾಗೂ ವಿರಾಟ್‌ ಕೊಹ್ಲಿ ಕೂಡಾ ಕತ್ರಿನಾ ಕೈಫ್ ಮದುವೆ ಸಂಭ್ರದಲ್ಲಿ ಭಾಗಿಯಾಗಲಿದ್ದು, ಎಲ್ಲರಿಗೂ ಪ್ರತಿಷ್ಠಿತ ಹೋಟೆಲ್‌ನಲ್ಲಿ ಉಳಿಯಲು ವ್ಯವಸ್ಥೆ ಮಾಡಲಾಗಿದೆ.
