CM Siddaramaiah Son; ಸಿದ್ದರಾಮಯ್ಯ ಪುತ್ರ ಯತೀಂದ್ರಗೆ ಇಷ್ಟೊಂದು ಬಿರುದುಗಳಾ..?

ಬೆಂಗಳೂರು; ಸಿದ್ದರಾಮಯ್ಯ (siddaramaiah) ಅವರು ಸಿಎಂ ಆದ ಮೇಲೆ ಅವರ ಪುತ್ರ ಯತೀಂದ್ರ ಸಿದ್ದರಾಮಯ್ಯ ( yathindra siddaramaiah) ಫುಲ್‌ ಆಕ್ಟೀವ್‌ ಆಗಿದ್ದಾರೆ. ತಮ್ಮ ಕ್ಷೇತ್ರವನ್ನು ತಂದೆಗೆ ಬಿಟ್ಟುಕೊಟ್ಟಿದ್ದ ಯತೀಂದ್ರ ಸಿದ್ದರಾಮಯ್ಯ, ತಂದೆ ಸಿದ್ದರಾಮಯ್ಯ ಸಿಎಂ ಆದ ಮೇಲೆ ವರುಣಾ ಕ್ಷೇತ್ರದ ಜವಾಬ್ದಾರಿ ಹೊತ್ತುಕೊಂಡಿದ್ದಾರೆ. ಅಷ್ಟೇ ಆಗಿದ್ದರೆ ತೊಂದರೆ ಇರಲಿಲ್ಲ. ಆದ್ರೆ, ಯತೀಂದ್ರ ಅವರು ಸೂಪರ್‌ ಸಿಎಂ ರೀತಿ ವರ್ತಿಸುತ್ತಿದ್ದಾರೆ. ಮುಖ್ಯಮಂತ್ರಿ ಮಾಡುವ ಕೆಲಸಗಳನ್ನೆಲ್ಲಾ ಯತೀಂದ್ರ ಮಾಡುತ್ತಿದ್ದಾರೆ ಎಂಬ ಆರೋಪಗಳಿವೆ.

ಇನ್ನು ವಿಪಕ್ಷ ಬಿಜೆಪಿ ಹಾಗೂ ಜೆಡಿಎಸ್‌ ಆರೋಪಗಳ ಪ್ರಕಾರ ಯತೀಂದ್ರ ಅವರು, ಹಲವು ಅಕ್ರಮಗಳನ್ನು ನಡೆಸುತ್ತಿದ್ದಾರಂತೆ. ಇತ್ತೀಚೆಗೆ ಯತೀಂದ್ರ ಅವರು ಯಾವುದೋ ವರ್ಗಾವಣೆ ವಿಚಾರದ ಸಂಬಂಧ ಸಿಎಂ ಸಿದ್ದರಾಮಯ್ಯ ಅವರ ಜೊತೆ ಮೊಬೈಲ್‌ನಲ್ಲಿ ಮಾತನಾಡಿದ್ದ ವಿಡಿಯೋ ಸಾಕಷ್ಟು ವೈರಲ್‌ ಆಗಿತ್ತು. ಜೊತೆಗೆ ವಿವಾದಕ್ಕೂ ಕಾರಣವಾಗಿತ್ತು. ಇದಾದ ಮೇಲೂ ಯತೀಂದ್ರ ಅವರು ರಾಜ್ಯಾದ್ಯಂತ ಸುತ್ತಾಡುತ್ತಾ ಪಕ್ಷ ಸಂಘಟನೆಯಲ್ಲಿ ತೊಡಗಿದ್ದಾರೆ. ಜೊತೆಗೆ ಅವರು ನೀಡುವ ಕೆಲ ಹೇಳಿಕೆಗಳು ವಿವಾದಕ್ಕೂ ಕಾರಣವಾಗುತ್ತಿವೆ. ಹೀಗಿರುವಾಗಲೇ ಬಿಜೆಪಿ ಯತೀಂದ್ರ ಅವರಿಗೆ ಹಲವು ಬಿರುದುಗಳನ್ನು ನೀಡಿದೆ.

ಬಿಜೆಪಿಯಿಂದ ಯತೀಂದ್ರ ಸಿದ್ದರಾಮಯ್ಯಗೆ ಬಿರುದುಗಳು!

ಕರ್ನಾಟಕ ಬಿಜೆಪಿ ಅಧಿಕೃತ ಟ್ವಿಟರ್‌ ಅಕೌಂಟ್‌ನಲ್ಲಿ ಯತೀಂದ್ರ ಬಿರುದುಗಳನ್ನು ಪೋಸ್ಟ್‌ ಮಾಡಲಾಗಿದೆ. ಬಿಜೆಪಿಯವರು ಸಿಎಂ ಸಿದ್ದರಾಮಯ್ಯ ಪುತ್ರ ಯತೀಂದ್ರಗೆ ಏನು ಬಿರುದುಗಳು ನೀಡಿದ್ದಾರೆ..? ಬಿಜೆಪಿ ಮಾಡಿರುವ ಟ್ವೀಟ್‌ನ ಸಾರಾಂಶ ಏನು..? ಇಲ್ಲಿದೆ ಮಾಹಿತಿ.

ಕರ್ನಾಟಕ ಬಿಜೆಪಿ ಮಾಡಿರುವ ಟ್ವೀಟ್‌ನಲ್ಲೇನಿದೆ..?

ವರ್ಗಾವಣೆ ದಂಧೆಯಲ್ಲಿ ಮೈಸೂರಿನಿಂದ ರಾಜ್ಯದ ತುಂಬಾ ತಮ್ಮ ವ್ಯಾಪ್ತಿಯನ್ನು ವಿಸ್ತರಿಸಿಕೊಂಡಿರುವ ಮಜಾವಾದಿ @siddaramaiah ಅವರ ಪುತ್ರ ಗಳಿಸಿರುವ ಬಿರುದುಗಳು:

▪️ಹಲೋ ಅಪ್ಪ
▪️ಡಾಕ್ಟರ್‌ ಚೀಟಿ
▪️ವೈಎಸ್‌ಟಿ
▪️ಟ್ರಾನ್ಸ್‌ಫರ್‌ ಕಿಂಗ್
▪️ತಂದೆಗೆ ತಕ್ಕ ಮಗ

ಮುಖ್ಯಮಂತ್ರಿ ಸಿದ್ದರಾಮಯ್ಯರವರ ಕೀರ್ತಿ ಪತಾಕೆಯ ಬಾವುಟವನ್ನು
@Dr_Yathindra_S
ಹಾರಿಸುತ್ತಿದ್ದಾರೆ.