ಕುಕ್ಕೆ ಕ್ಷೇತ್ರದಲ್ಲಿ ವ್ಯಕ್ತಿಯನ್ನು ಎತ್ತಿ ಎಸೆದ ಆನೆ..!
ದಕ್ಷಿಣ ಕನ್ನಡ; ಕುಕ್ಕೆ ಸುಬ್ರಮಹ್ಮಣ್ಯ ಕ್ಷೇತ್ರದ ದೇವಸ್ಥಾನದಲ್ಲಿರುನ ಆನೆ ವ್ಯಕ್ತಿಯೊಬ್ಬನನ್ನು ಸೊಂಡಿನಿಂದ ಎತ್ತಿ ಎಸೆದ ಘಟನೆ ನಡೆದಿದೆ. ಆನೆ ಬಳಿಯೇ ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಯನ್ನು ಸೊಂಡಿಲಿನಿಂದ ಹಿಡಿದು ಆನೆ ಏಕಾಏಕಿ ಪಕ್ಕಕ್ಕೆ ಎಸೆದಿದೆ. ಆಗ ಅಲ್ಲೇ ಕುಳಿತಿದ್ದ ಮಾವುತ ಕೂಡಲೇ ವ್ಯಕ್ತಿಯ ರಕ್ಷಣೆಗೆ ಬಂದಿದ್ದಾರೆ. ಘಟನೆಯಲ್ಲಿ ವ್ಯಕ್ತಿಗೆ ಯಾವುದೇ ಗಾಯಗಳಾಗಿಲ್ಲ ಎಂದು ತಿಳಿದುಬಂದಿದೆ.
ರಾತ್ರಿ ಸಮಯದಲ್ಲಿ ವ್ಯಕ್ತಿ ಪೂಜೆಗೆಂದು ದೇಗುಲಕ್ಕೆ ಬಂದಿದ್ದರು. ಈ ವೇಳೆ ದುರ್ಘಟನೆ ನಡೆದಿದ್ದು, ಅದರ ವಿಡಿಯೋ ವೈರಲ್‌ ಆಗಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಮಾವುತ, ಆ ವ್ಯಕ್ತಿ ಮದ್ಯ ಸೇವಿಸಿ ದೇವಸ್ಥಾನಕ್ಕೆ ಎಂಟ್ರಿ ಕೊಟ್ಟಿದ್ದ. ಅದರ ವಾಸನೆ ನೋಡಿ ಆನೆ ಆತನನ್ನು ಎತ್ತಿ ಎಸೆದಿದೆ ಎಂದು ತಿಳಿಸಿದ್ದಾರೆ.
