ರಾಹುಲ್‌ ಗಾಂಧಿಯನ್ನು ರಾವಣನಂತೆ ಬಿಂಬಿಸಿದ ಬಿಜೆಪಿ
ನವದೆಹಲಿ; ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿಯನ್ನು ಬಿಜೆಪಿ ನಾಯಕರು ಯಾವಾಗಲೂ ಲೇವಡಿ ಮಾಡುತ್ತಲೇ ಇರುತ್ತಾರೆ. ಇದೀಗ ಅವರು ರಾಹುಲ್‌ಗಾಂಧಿಯನ್ನು ರಾವಣನಂತೆ ಬಿಂಬಿಸಿದ್ದಾರೆ. ರಾಹುಲ್‌ ಗಾಂಧಿಯನ್ನು ಹತ್ತು ತಲೆಗಳ ರಾವಣನಂತೆ ಪೋಸ್ಟರ್‌ ಸಿದ್ಧಪಡಿಸಿ ನವಯುಗದ ರಾವಣ ಎಂದು ಬಿಜೆಪಿ ಪೋಸ್ಟರ್‌ ರಿಲೀಸ್‌ ಮಾಡಿದೆ.
ಬಿಜೆಪಿ ತನ್ನ ಟ್ವಿಟರ್‌ ಖಾತೆಯಲ್ಲಿ ಈ ಪೋಸ್ಟರ್‌ ಹಾಕಿದ್ದು, ವಿವಾದಕ್ಕೆ ಕಾರಣವಾಗಿದೆ. ಪೋಸ್ಟರ್‌ನಲ್ಲಿ ರಕ್ಷಾ ಕವಚ ಧರಿಸಿದ್ದು, ಗಡ್ಡ ಬಿಡಲಾಗಿದೆ. ಜೊತೆ ಹತ್ತು ತಲೆಗಳನ್ನು ಇಡಲಾಗಿದೆ. ಅದರ ಕೆಳಗೆ ರಾವಣ ಎಂದು ಬರೆಯಲಾಗಿದ್ದು, ನಿರ್ಮಾಣ ಕಾಂಗ್ರೆಸ್‌ ಪಕ್ಷ, ಜಾರ್ಜ್‌ ಸೊರೊಸ್‌ ನಿರ್ದೇಶನ ಎಂದು ಬರೆಯಲಾಗಿದೆ.
ಹೊಸ ಯುಗದ ರಾವಣ ಬಂದಿದ್ದು, ಅವನು ದುಷ್ಟ, ಧರ್ಮ ವಿರೋಧಿ, ರಾಮನ ವಿರೋಧಿ. ಭಾರತವನ್ನು ನಾಶಮಾಡುವುದೇ ಅವನ ಗುರಿ ಎಂದು ಬಿಜೆಪಿ ಬರೆದುಕೊಂಡಿದೆ. ಇದನ್ನು ಕೆ.ಸಿ.ವೇಣುಗೋಪಾಲ್‌ ಹಾಗೂ ಜೈರಾಮ್‌ ರಮೇಶ್‌ ವಿರೋಧಿಸಿದ್ದಾರೆ.
