ಮೇಕೆ ಹಾಲು ಕರೆದ ಪಂಜಾಬ್‌ ಸಿಎಂ ಚರಣ್‌ಜೀತ್‌ ಸಿಂಗ್‌
ಬಾರ್ನಾಲಾ: ನಾಳೆ ಪಂಚರಾಜ್ಯಗಳ ವಿಧಾನಸಭಾ ಚುನಾವಣೆ ಫಲಿತಾಂಶ ಪ್ರಕಟವಾಗಲಿದೆ. ಅದಕ್ಕೂ ಮುಂಚೆ ಪಂಜಾಬ್‌ ಸಿಎಂ ಚರಣ್‌ಜೀತ್‌ ಸಿಂಗ್‌ ತಮ್ಮ ತವರು ಕ್ಷೇತ್ರ ಭದೌರ್ ಗೆ ಕೃತಜ್ಞತಾಪೂರ್ವಕ ಭೇಟಿ ನೀಡಿದ್ದರು. ಈ ಸಂದರ್ಭದಲ್ಲಿ ಬ್ಯಾಲನ್‌ ಎಂಬಲ್ಲಿ ವ್ಯಕ್ತಿಯೊಬ್ಬ ಮೇಕೆಗಳನ್ನು ಮೇಯಿಸುತ್ತಿದ್ದುದನ್ನು ಕಂಡು ಕಾರು ನಿಲ್ಲಿಸಿದರು. ಮೇಕೆಯೊಂದರಿಂದ ಹಾಲು ಕರೆದರು. ಚರಣ್‌ಜೀತ್‌ ಸಿಂಗ್‌ ಚನ್ನಿ ಅವರು ಈ ಹಿಂದೆ ಎಮ್ಮೆಗಳ ಹಾಲ ಕರೆಯುತ್ತಿದ್ದರಂತೆ. ಮೇಕೆ ಹಾಲು ಕರೆದ ಸಂದರ್ಭದಲ್ಲಿ ಅವರು ಈ ವಿಚಾರವನ್ನು ನೆನಪಿಸಿಕೊಂಡಿದ್ದಾರೆ.
