ಮನೆಯಲ್ಲೇ ತಯಾರಿಸಬಹುದು ಪ್ರೊಟೀನ್ ಪೌಡರ್

ಪ್ರತಿಯೊಬ್ಬರ ದೇಹಕ್ಕೂ ಪ್ರೋಟೀನ್ ಬಹಳ ಮುಖ್ಯ ಹಾಗೂ ಅಗತ್ಯ. ಅದಕ್ಕಿಂತ ಮುಖ್ಯವಾಗಿ ಜಿಮ್‌ಗೆ ಹೋಗುವವರು ಮತ್ತು ತೂಕ ಇಳಿಸಿಕೊಳ್ಳಲು ಬಯಸುವವರು ಹೆಚ್ಚು ಪ್ರೋಟೀನ್ ಸೇವಿಸುವುದು ಒಳ್ಳೆಯದು. ಅದಕ್ಕಾಗಿಯೇ ಅನೇಕ ಜನರು ಜಿಮ್‌ನ ನಂತರ ಪ್ರೋಟೀನ್ ಶೇಕ್‌ಗಳನ್ನು ಕುಡಿಯುತ್ತಾರೆ. ಆದ್ರೆ ರೆಡಿಮೇಡ್ ಪ್ರೊಟೀನ್ ಪೌಡರ್ ಗಳು ಕೆಲವರ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತವೆ. ಹೀಗಾಗಿ ಅಂತಹ ಪ್ರೋಟೀನ್ ಶೇಕ್‌ಗೆ ಸೇರಿಸಬಹುದಾದ ಪ್ರೋಟೀನ್ ಪುಡಿಯನ್ನು ಮನೆಯಲ್ಲಿಯೇ ತಯಾರಿಸಬಹುದು.

ಬೇಕಾಗುವ ಪದಾರ್ಥಗಳು

60 ಗ್ರಾಂ ಹುರಿದ ಕಡಲೆ

2 ಖರ್ಜೂರಗಳು

1 ಬಾಳೆಹಣ್ಣು

1 ಗ್ಲಾಸ್ ಹಾಲು

ಸ್ವಲ್ಪ ಬೆಲ್ಲ

ತಯಾರಿಕೆಯ ವಿಧಾನ

ಮೊದಲು ಕಡಲೆಯನ್ನು ಮಿಕ್ಸಿಗೆ ಹಾಕಿ ರುಬ್ಬಿಕೊಳ್ಳಿ. ಇದರಲ್ಲಿ ಪ್ರೋಟೀನ್, ಕ್ಯಾಲ್ಸಿಯಂ ಮತ್ತು ಕಬ್ಬಿಣದ ಸಮೃದ್ಧವಾಗಿದೆ.

ಈಗ ಒಂದು ಲೋಟ ಹಾಲನ್ನು ತೆಗೆದುಕೊಂಡು ಅದಕ್ಕೆ ಖರ್ಜೂರ, ಹಾಲು ಮತ್ತು ಬೆಲ್ಲ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

ಅಷ್ಟೆ, ಪ್ರೋಟೀನ್ ಶೇಕ್ ಸಿದ್ಧ. ಇದನ್ನು ದಿನವೂ ಕುಡಿಯುವುದರಿಂದ ಆಗುವ ಪ್ರಯೋಜನಗಳೇನು?

15 ದಿನ ತೆಗೆದುಕೊಂಡರೆ..

ಹೀಗೆ ಮಾಡಿದ ಪ್ರೊಟೀನ್ ಶೇಕ್ ಅನ್ನು 15 ದಿನಗಳ ಕಾಲ ಸೇವಿಸುವುದು ಒಳ್ಳೆಯದು ಎನ್ನುತ್ತಾರೆ. ಇದರಿಂದ ದೇಹದ ದೌರ್ಬಲ್ಯ ಕಡಿಮೆಯಾಗಿ ದೇಹದ ಬೆಳವಣಿಗೆಗೆ ಸಾಕಷ್ಟು ಪೋಷಕಾಂಶಗಳು ದೊರೆಯುತ್ತವೆ.

ಪ್ರೋಟೀನ್, ಕ್ಯಾಲ್ಸಿಯಂ..

ನೀವು ಈ ಪಾನೀಯವನ್ನು ಸೇವಿಸಿದರೆ, ನಿಮ್ಮ ದೇಹವು ಪ್ರೋಟೀನ್ ಮತ್ತು ಕ್ಯಾಲ್ಸಿಯಂ ಅನ್ನು ಪಡೆಯುತ್ತದೆ. ಕೇವಲ 15 ದಿನಗಳಲ್ಲಿ ನಿಮ್ಮ ದೇಹದಲ್ಲಿ ಬದಲಾವಣೆಯನ್ನು ನೀವು ನೋಡುತ್ತೀರಿ. ಜಿಮ್ ನಂತರ ಈ ಪ್ರೋಟೀನ್ ಶೇಕ್ ಕುಡಿಯುವುದರಿಂದ ಉತ್ತಮ ಫಲಿತಾಂಶ ಸಿಗುತ್ತದೆ.

ಮಂಡಿ ನೋವು..

ಫಿಟ್ನೆಸ್ ತಜ್ಞರ ಪ್ರಕಾರ, ಈ ಮನೆಯಲ್ಲಿ ತಯಾರಿಸಿದ ಪಾನೀಯವನ್ನು ಸೇವಿಸುವ ಮೂಲಕ ಮಂಡಿ, ಕಾಲು ಮತ್ತು ಕೀಲುಗಳಲ್ಲಿನ ನೋವನ್ನು ಕಡಿಮೆ ಮಾಡಬಹುದು. ಹಾಗಾಗಿ 15 ದಿನವಾದರೂ ಕುಡಿಯುವುದು ಒಳ್ಳೆಯದು ಎನ್ನುತ್ತಾರೆ ತಜ್ಞರು. ಆದ್ರೆ ವೈದ್ಯರ ಸಲಹೆ ಪಡೆದು ಇದನ್ನು ಸೇವಿಸುವುದು ಒಳ್ಳೆಯದು.