ರೆಪೋ ದರ ಏರಿಸಿದ ಆರ್‌ಬಿಐ; ಸಾಲದ ಮೇಲಿನ ಬಡ್ಡಿ ಏರಿಕೆ

ಮುಂಬೈ: ಹೆಚ್ಚುತ್ತಿರುವ ಹಣದುಬ್ಬರ ನಿಯಂತ್ರಿಸಬೇಕಾದ ಅನಿವಾರ್ಯತೆ ಇರುವ ಕಾರಣ ರೆಪೊ ದರದಲ್ಲಿ 40 ಮೂಲಾಂಶ ಹೆಚ್ಚಳ ಮಾಡಲಾಗಿದ್ದು, ರೆಪೊ ದರವನ್ನು ಶೇ 4.40ಕ್ಕೆ ನಿಗದಿಪಡಿಸಲಾಗಿದೆ. ಇದು ತಕ್ಷಣದಿಂದಲೇ ಜಾರಿಗೆ ಬರಲಿದೆ ಎಂದು ಭಾರತೀಯ ರಿಸರ್ವ್‌ ಬ್ಯಾಂಕ್ ಗವರ್ನರ್ ಶಕ್ತಿಕಾಂತ ದಾಸ್ ಇಂದು ಘೊಷಣೆ ಮಾಡಿದ್ದಾರೆ. ಈ ಮೂಲಕ ಸಾರ್ವಜನಿಕರ ಅಚ್ಚರಿಯ ಆಘಾತ ನೀಡಿದ್ದಾರೆ.

2019ರಿಂದೀಚೆಗೆ ಆರ್ಬಿಐ ಇದೇ ಮೊದಲ ಬಾರಿಗೆ ಬಡ್ಡಿದರವನ್ನು ಏರಿಕೆ ಮಾಡಿದೆ. ಇದುವರೆಗೂ ಬಡ್ಡಿದರ ಕನಿಷ್ಟಮಟ್ಟದಲ್ಲೇ ಇತ್ತು. ರೆಪೊ ದರ ಏರಿಕೆಯಿಂದಾಗಿ ಗೃಹ ಸಾಲ, ವಾಹನ ಸಾಲ, ವೈಯಕ್ತಿಕ ಸಾಲ ಸೇರಿದಂತೆ ಬಹುತೇಕ ಎಲ್ಲಾ ಸಾಲಗಳ ಮೇಲಿನ ಬಡ್ಡಿ ದರಗಳೂ ಏರಿಕೆಯಾಗಲಿವೆ. ಗ್ರಾಹಕರು ತಾವು ಸಾಲದ ಮೇಲೆ ಪಾವತಿಸುವ ಇಎಂಐ (ಸಮಾನ ಮಾಸಿಕ ಕಂತುಗಳು) ಮೊತ್ತ ಕೂಡಾ ಹೆಚ್ಚಾಗಲಿದೆ.