ಮಹಿಳೆ ಜೊತೆ ಹೊಂಡಕ್ಕೆ ಹಾರಲು ಬಂದ ಯುವಕ; ಯುವಕ ಸಾವು, ಮಹಿಳೆ ಬಚಾವ್

ವಿಜಯಪುರ; ಮಹಿಳೆಯ ಜೊತೆ ಬಂದಿದ್ದ ಯುವಕನೊಬ್ಬ ಹೊಂಡಕ್ಕೆ ಹಾರಿದ್ದಾನೆ. ಆದ್ರೆ ಮಹಿಳೆ ಹಾರದೇ ಎಸ್ಕೇಪ್‌ ಆಗಿದ್ದು, ಯುವಕ ಸಾವನ್ನಪ್ಪಿದ್ದಾನೆ. ಆತ್ಮಹತ್ಯೆ ಮಾಡಿಕೊಳ್ಳಲೆಂದೇ ಇಬ್ಬರೂ ಬಂದಿದ್ದರು ಎಂದು ತಿಳಿದುಬಂದಿದೆ. 

ವಿಜಯಪುರದ ಗಗನ್ ಮಹಲ್ ಹಾಗೂ ಜಿಲ್ಲಾಧಿಕಾರಿಗಳ ನಿವಾಸದ ಬಳಿ ಇರುವ ಪುರಾತನ ಹೊಂಡದಲ್ಲಿ ಈ ಘಟನೆ ನಡೆದಿದೆ. ಮಹಿಳೆಯ ಜೊತೆ ಬಂದಿದ್ದ ಯುವಕ ಮೊದಲು ಹೊಂಡಕ್ಕೆ ಹಾರಿದ್ದಾನೆ. ಆದ್ರೆ ಮಹಿಳೆ ಹಾರದೇ ಅಲ್ಲಿಂದ ಎಸ್ಕೇಪ್‌ ಆಗಿದ್ದಾಳೆ. ಹೊಂಡಕ್ಕೆ ಧುಮುಕಿದ ಯುವಕ ಸಾವನ್ನಪ್ಪಿದ್ದಾನೆ ಎಂದು ತಿಳಿದುಬಂದಿದೆ.

ಮೂರು ಗಂಟೆಗಳ ಶೋಧದ ನಂತರ ಯುವಕನ ಮೃತದೇಹ ಸಿಕ್ಕಿದೆ. ಆದ್ರೆ ಆತನ ಯಾರು, ಎಲ್ಲಿಯವನು ಅನ್ನೋದು ಗೊತ್ತಾಗಿಲ್ಲ. ಶವವನ್ನು ಗೋಲಗುಮ್ಮಟ ಪೊಲೀಸರ ವಶಕ್ಕೆ ಒಪ್ಪಿಸಲಾಗಿದೆ.