ಯಶ್‌ ಅಭಿಮಾನಿಗಳ ಸಾವು ಪ್ರಕರಣ; ತಲಾ 5 ಲಕ್ಷ ಪರಿಹಾರ ನೀಡಿದ ನಟ
ಗದಗ; ನಟ ಯಶ್‌ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ಕಟೌಟ್‌ ಕಟ್ಟಲು ಹೋಗಿದ್ದ ಮೂವರು ಅಭಿಮಾನಿಗಳು ವಿದ್ಯುತ್‌ ತಗುಲಿ ಸಾವನ್ನಪ್ಪಿದ್ದರು. ಅವರ ಕುಟುಂಬಗಳಿಗೆ ನಟ ಯಶ್‌ ವತಿಯಿಂದ ಇಂದು ಪರಿಹಾರ ವಿತರಣೆ ಮಾಡಲಾಯಿತು. ಯಶ್‌ ಆಪ್ತರು ಇಂದು ಗದಗ ಜಿಲ್ಲೆ ಸೊರಣಗಿ ಗ್ರಾಮಕ್ಕೆ ಭೇಟಿ, ಮೃತ ಮೂವರೂ ಅಭಿಮಾನಿಗಳ ಕುಟುಂಬಕ್ಕೆ ತಲಾ 5 ಲಕ್ಷ ರೂಪಾಯಿ ಚೆಕ್‌ ವಿತರಣೆ ಮಾಡಿದರು.
ಮುರಳಿ, ನವೀನ್‌ ಹಾಗೂ ಹನುಮಂತ ಎಂಬುವವರು ವಿದ್ಯುತ್‌ ಸ್ಪರ್ಶಿಸಿ ಸಾವನ್ನಪ್ಪಿದ್ದರು. ಘಟನೆ ದಿನ ನಟ ಯಶ್‌ ಗ್ರಾಮಕ್ಕೆ ಭೇಟಿ ನೀಡಿದ ಮೃತರ ಪೋಷಕರಿಗೆ ಸಾಂತ್ವನ ಹೇಳಿದ್ದರು.
