ನಾವು ಮಾಡಿದ್ದರಲ್ಲಿ ಕಾಂಗ್ರೆಸ್ 10 ಪರ್ಸೆಂಟ್‌ ಕೆಲಸ ಮಾಡಿಲ್ಲ; ಅಮಿತ್‌ ಶಾ
ಬಾಗಲಕೋಟೆ; ಬಿಜೆಪಿ ಸರ್ಕಾರ ಮಾಡಿದ್ದರಲ್ಲಿ ಕಾಂಗ್ರೆಸ್‌ನವರು ಹತ್ತು ಪರ್ಸೆಂಟ್‌ ಕೆಲಸ ಮಾಡಿಲ್ಲ. ಅವರು ಹತ್ತು ಪರ್ಸೆಂಟ್‌ ಕೆಲಸ ಮಾಡಿದ್ದಿದ್ದರೆ ಇವತ್ತು ಅವರು ವೋಟ್‌ ಕೇಳುವ ಅವಶ್ಯಕತೆಯೇ ಬರುತ್ತಿರಲಿಲ್ಲ ಎಂದು ಕೇಂದ್ರ ಗೃಹ ಸಚಿವ ಅಮಿತ್‌ ಶಾಸ ಹೇಳಿದ್ದಾರೆ.
ಬಾಗಲಕೋಟೆಯ ಎಂವಿ ಪಟ್ಟಣದಲ್ಲಿ ನಡೆದ ಚುನಾವಣಾ ಸಭೆಯಲ್ಲಿ ಮಾತನಾಡಿದ ಅವರು, ಬಿಜೆಪಿ ಸರ್ಕಾರ ಬಂದ ಮೇಲೆ ರಾಜ್ಯದಲ್ಲಿ ಅನೇಕ ಕೆಲಸಗಳು ನಡೆದಿದೆ. ಬಿಜೆಪಿ ಸರ್ಕಾರದಿಂದಾಗಿ ರಾಜ್ಯದ ಅಭಿವೃದ್ಧಿಯಾಗಿದೆ. ನೇಕಾರರಿಗೆ ಶೇ.3 ಬಡ್ಡಿದರದಲ್ಲಿ 2 ರಿಂದ 5 ಲಕ್ಷವರೆಗೆ ಸಾಲ ನೀಡಲಾಗುತ್ತಿದೆ. 4 ಲಕ್ಷ ಕುಟುಂಬಗಳಿಗೆ ಮನೆ ನೀಡಿದ್ದೇವೆ. ರಾಜ್ಯದ 46 ಲಕ್ಷ ರೈತರಿಗೆ ಕಿಸಾನ್ ಸಮ್ಮಾನ್ ಪರಿಹಾರ ಸಿಗುತ್ತಿದೆ. ಬಿಜೆಪಿ ಜನಪರವಾಗಿದೆ. ಕಾಂಗ್ರೆಸ್‌ನವರು ನಾವು ಮಾಡಿದ್ದರಲ್ಲಿ ಹತ್ತು ಪರ್ಸೆಂಟ್‌ ಕೆಲಸ ಮಾಡಿಲ್ಲ ಎಂದು ಅಮಿತ್‌ ಶಾ ಗುಡುಗಿದ್ದಾರೆ.
