ಅಪಘಾತದಿಂದ ಆದ ಗಲಾಟೆ; ರಾಜಕೀಯ ಬಣ್ಣ ಕಟ್ಟತಿದ್ದಾರೆ ಎಂದ ಯತೀಂದ್ರ

ಮೈಸೂರು; ಸಿದ್ದರಾಮನಹುಂಡಿಯಲ್ಲಿ ವಿ.ಸೋಮಣ್ಣ ಅವರಿದ್ದ ವಾಹನ ಸಿದ್ದಾರಮಯ್ಯ ಅವರ ಸಹೋದರನ ಮನೆ ಬಳಿ ಬಂದಾಗ ನಿನ್ನೆ ಗಲಾಟೆಯಾಗಿತ್ತು. ಈ ವೇಳೆ ಕಲ್ಲು ತೂರಾಟವೂ ನಡೆದಿತ್ತು. ಈ ಸಂಬಂಧ ಶಾಸಕ ಯತೀಂದ್ರ ಸ್ಪಷ್ಟನೆ ಕೊಟ್ಟಿದ್ದಾರೆ. ಕಾರು-ಬೈಕ್‌ ಡಿಕ್ಕಿಯಾಗಿದ್ದು, ಈ ಕಾರಣಕ್ಕಾಗಿ ಜಗಳ ನಡೆದಿದೆ. ಇದಕ್ಕೆ ರಾಜಕೀಯ ಬಣ್ಣ ಕಟ್ಟಿ ಲಾಭ ಮಾಡಿಕೊಳ್ಳಲು ನೋಡುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.

ಬಿಜೆಪಿಯವರು ಗಲಭೆ ಮಾಡಿಸುವುದರಲ್ಲಿ ನಿಸ್ಸೀಮರು. ಇದಕ್ಕಾಗಿ ಅವರೇ ಪ್ರಚೋದನೆ ಮಾಡುತ್ತಾರೆ. ಅವರು ಪ್ರಚೋದನೆಗೆ ಕಾಂಗ್ರೆಸ್‌ ಕಾರ್ಯಕರ್ತರು ಒಳಗಾಗಬಾರದು. ಬಿಜೆಪಿಯವರು ರಾಜಕೀಯ ಲಾಭಕ್ಕಾಗಿ ಏನು ಬೇಕಾದರೂ ಮಾಡುತ್ತೆ. ಈ ರೀತಿಯ ಅವರ ಕಾರ್ಯತಂತ್ರಗಳು ನಡೆಯೋದಿಲ್ಲ ಎಂದು ಯತೀಂದ್ರ ಇದೇ ವೇಳೆ ಹೇಳಿದ್ದಾರೆ.