ಸಿದ್ದರಾಮಯ್ಯ ಪರ ಸೊಸೆ ಸ್ಮಿತಾ ರಾಕೇಶ್‌ ಮನೆಮನೆ ಪ್ರಚಾರ
ಮೈಸೂರು; ವರುಣಾ ಕ್ಷೇತ್ರದಲ್ಲಿ ರಾಜಕೀಯ ರಂಗೇರಿದೆ. ಸಿದ್ದರಾಮಯ್ಯ ಅವರ ಪರವಾಗಿ ಸೊಸೆ ಸ್ಮಿತಾ ರಾಕೇಶ್‌ ಅಖಾಡಕ್ಕಿಳಿದಿದ್ದಾರೆ. ತಾಯೂರು ಗ್ರಾಮ ಪಂಚಾಯತ್‌ ವ್ಯಕ್ತಿಯಲ್ಲಿ ಮನೆಮನೆಗೂ ತೆರಳಿ ಸ್ಮಿತಾ ರಾಕೇಶ್‌ ತಮ್ಮ ಮಾವ ಸಿದ್ದರಾಮಯ್ಯ ಅವರ ಪರ ಮತಯಾಚನೆ ಮಾಡುತ್ತಿದ್ದಾರೆ.
ತಮ್ಮ ಮಾವನಿಗೆ ಇದು ಕೊನೆಯ ಚುನಾವಣೆಯಾಗಿದೆ. ಅವರನ್ನು ಈ ಬಾರಿ ಭಾರಿ ಬಹುಮತದೊಂದಿಗೆ ಗೆಲ್ಲಿಸಬೇಕು ಎಂದು ಸ್ಮಿತಾ ರಾಕೇಶ್‌ ಅವರು ಮನವಿ ಮಾಡುತ್ತಿದ್ದಾರೆ. ನಿನ್ನೆಯಷ್ಟೇ ಯತೀಂದ್ರ ಸಿದ್ದರಾಮಯ್ಯ ಅವರು ರೋಡ್‌ ಶೋ ನಡೆಸುವ ಮೂಲಕ ತಂದೆಯ ಪರ ಪ್ರಚಾರ ನಡೆಸಿದ್ದರು. ಇದೀಗ ರಾಕೇಶ್‌ ಪತ್ನಿ ಸ್ಮಿತಾ ಅವರು ಮಾವನ ಪರ ಪ್ರಚಾರ ನಡೆಸಿದ್ದಾರೆ.
ನಟಿ ರಮ್ಯಾ ಹಾಗೂ ನಟ ದುನಿಯಾ ವಿಜಯ್‌ ಕೂಡಾ ಸಿದ್ದರಾಮಯ್ಯ ಪರ ಪ್ರಚಾರ ನಡೆಸಲಿದ್ದಾರೆ ಎಂದು ತಿಳಿದುಬಂದಿದೆ.
