ಕ್ಷುಲ್ಲಕ ಕಾರಣಕ್ಕೆ ಸ್ನೇಹಿತನಿಂದಲೇ ವ್ಯಕ್ತಿಯ ಕೊಲೆ; ಆರೋಪಿ ಅರೆಸ್ಟ್‌
ಕನಕಪುರ; ರಾಮನಗರ ಜಿಲ್ಲೆ ಕನಕಪುರ ತಾಲ್ಲೂಕಿನಲ್ಲಿ ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯ ಕೊಲೆಯಾಗಿದೆ. ಸ್ನೇಹಿತನೇ ವ್ಯಕ್ತಿಯೊನ್ನ ಚಾಕುವಿನಿಂದ ಚುಚ್ಚಿ ಕೊಲೆ ಮಾಡಿದ್ದಾನೆ. 35 ವರ್ಷದ ರವೀಶ್‌ ಎಂಬಾತನನ್ನು ಆತನ ಸ್ನೇಹಿತ ರವಿಕುಮಾರ್‌ ಅಲಿಯಾಸ್‌ ಲೊಡ್ಡೆ ಕೊಲೆ ಮಾಡಿದ್ದಾರೆ.
ಕನಕಪುರ ತಾಲ್ಲೂಕು ಟಿ.ಗೊಲ್ಲಹಳ್ಳಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಕ್ಷುಲ್ಲಕ ಕಾರಣಕ್ಕೆ ಇಬ್ಬರು ನಡುವೆ ಜಗಳ ನಡೆದಿದೆ. ಇದು ಮಾತಿಗೆ ಮಾತು ಬೆಳೆದು ಆರೋಪಿ ರವಿಕುಮಾರ್‌ ಚಾಕುವಿನಿಂದ ರವೀಶ್‌ಗೆ ಇರಿದಿದ್ದಾನೆ. ಇದರಿಂದಾಗಿ ತೀವ್ರ ರಕ್ತಸ್ರಾವವಾಗಿ ರವೀಶ್‌ ಸಾವನ್ನಪ್ಪಿದ್ದಾನೆ.
ಆರೋಪಿ ರವಿಕುಮಾರ್‌ನನ್ನು ಕೋಡಿಹಳ್ಳಿ ಠಾಣೆ ಪೊಲೀಸರು ಬಂಧಿಸಿದ್ದು, ವಿಚಾರಣೆಗೊಳಪಡಿಸಿದ್ದಾರೆ.
