ವಿವಾಹಿತ ಮಹಿಳೆಯಿಂದ ಹನಿಟ್ರ್ಯಾಪ್‌; ಡೆತ್‌ನೋಟ್‌ ಬರೆದಿಟ್ಟು ನಿವೃತ್ತ ಯೋಧ ನಾಪತ್ತೆ!
ಮಡಿಕೇರಿ; ವಿವಾಹಿತ ಮಹಿಳೆಯೊಬ್ಬರ ಹನಿಟ್ರ್ಯಾಪ್‌ಗೆ ನಿವೃತ್ತ ಯೋಧರೊಬ್ಬರು ಸಿಲುಕಿದ್ದಾರೆ. ಇದರಿಂದ ಮನನೊಂದು ನಿವೃತ್ತ ಯೋಧ ಡೆತ್‌ನೋಟ್‌ ಬರೆದಿಟ್ಟು ನಾಪತ್ತೆಯಾಗಿದ್ದಾರೆ. ಮಡಿಕೇರಿ ನಗರದ ಉಕ್ಕುಡ ಎಂಬಲ್ಲಿ ಈ ಘಟನೆ ನಡೆದಿದೆ.
ನಲವತ್ತು ವರ್ಷದ ಸಂದೇಶ್‌ ಎಂಬ ನಿವೃತ್ತ ಯೋಧನೇ ನಾಪತ್ತೆಯಾಗಿರುವವರು. ಅವರು ಡೆತ್‌ ನೋಟ್‌ ಬರೆದಿಟ್ಟು ನಾಪತ್ತೆಯಾಗಿದ್ದಾರೆ. ಅದರಲ್ಲಿ ಮಹಿಳೆಯೊಬ್ಬರು ಹನಿಟ್ರ್ಯಾಪ್‌ ಮಾಡಿರುವ ಬಗ್ಗೆ ಮಾಹಿತಿ ಇದೆ. ಇನ್ನು ಸಂದೇಶ್‌ ಅವರ ಚಪ್ಪಲಿ ಹಾಗೂ ಮೊಬೈಲ್‌ ಅವರ ಮನೆಯ ಸಮೀಪದ ಪಂಪಿನ ಕೆರೆ ಬಳಿ ಪತ್ತೆಯಾಗಿದೆ.
ಫೇಸ್‌ಬುಕ್‌ನಲ್ಲಿ ವಿವಾಹಿತ ಮಹಿಳೆ ಪರಿಚಯವಾಗಿದ್ದು, ಆಕೆ ಸಂದೇಶ್‌ರನ್ನು ಹನಿಟ್ರ್ಯಾಪ್‌ಗೆ ಬೀಳಿಸಿದ್ದಾಳೆ. ಆಕೆಯ ಕಾಟ ತಾಳಲಾರದೆ ಸಂದೇಶ್‌ ಈ ಕೆಲಸ ಮಾಡಿದ್ದಾರೆ ಎನ್ನಲಾಗಿದೆ. ಕೆರೆಯಲ್ಲಿ ಹುಡುಕಾಟ ನಡೆಸಲಾಗುತ್ತಿದೆ.
