ತ್ರಿಕೋನ ಪ್ರೇಮ ಪ್ರಕರಣ; ಪಾಗಲ್‌ ಪ್ರೇಮಿಯಿಂದ ಇಬ್ಬರಿಗೆ ಚಾಕು ಇರಿತ
ಮಡಿಕೇರಿ; ತ್ರಿಕೋನ ಪ್ರೇಮ ಪ್ರಕರಣದ ಹಿನ್ನೆಲೆಯಲ್ಲಿ ರೊಚ್ಚಿಗೆದ್ದ ಪಾಗಲ್‌ ಪ್ರೇಮಿಯೊಬ್ಬ, ಇಬ್ಬರಿಗೆ ಚಾಕುವಿನಿಂದ ಇರಿದಿರುವ ಘಟನೆ ಕುಶಾಲನಗರದ ಕಾವೇರಿ ನಿಸರ್ಗಧಾಮದಲ್ಲಿ ನಡೆದಿದೆ. ಸೋನಿಕಾ ಹಾಗೂ ಪ್ರವೀಣ್‌ ಎಂಬುವವರಿಗೆ ವಿಜಯ್‌ ಎಂಬಾತ ಚೂರಿಯಿಂದ ಇರಿದಿದ್ದಾನೆ.
ಘಟನೆಯಲ್ಲಿ ಸೋನಿಕಾ ಹಾಗೂ ಪ್ರವೀಣ್‌ ಇಬ್ಬರಿಗೂ ಗಾಯಗಳಾಗಿದ್ದು, ಕುಶಾಲನಗರದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಆರೋಪಿ ವಿಜಯ್‌ನನ್ನು ಕುಶಾಲನಗರ ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ. ಸೋನಿಕಾಳನ್ನು ಪ್ರವೀಣ್‌ ಹಾಗೂ ವಿಜಯ್‌ ಇಬ್ಬರೂ ಪ್ರೀತಿಸುತ್ತಿದ್ದರು. ಆದ್ರೆ ಸೋನಿಕಾ ಪ್ರವೀಣ್‌ ಜೊತೆ ಇರುವುದನ್ನು ಕಂಡ ವಿಜಯ್‌ ಈ ಕೃತ್ಯ ಎಸಗಿದ್ದಾನೆ ಎನ್ನಲಾಗಿದೆ.
