ಹಿಮಾಚಲದಲ್ಲಿ ಖಾಸಗಿ ಬಸ್ ಪಲ್ಟಿ; ಶಾಲಾ ಮಕ್ಕಳು ಸೇರಿ 16 ಮಂದಿ ದಾರುಣ ಸಾವು
ಹಿಮಾಚಲ; ಹಿಮಾಚಲದಲ್ಲಿ ಖಾಸಗಿ ಬಸ್ ಕಾಣಿವೆಗೆ ಉರುಳಿಬಿದ್ದು 16 ಮಂದಿ ಸಾವನ್ನಪ್ಪಿರುವ ದಾರುಣ ಘಟನೆ ನಡೆದಿದೆ. ಕುಲು ಜಿಲ್ಲೆಯ ಸೈಂಜ್ ಕಣಿವೆಯ ಜಂಗ್ಲಾದಲ್ಲಿ ಖಾಸಗಿ ಬಸ್ ರಸ್ತೆಯಿಂದ ಪಲ್ಟಿಯಾಗಿ ಈ ದುರಂತ ಸಂಭವಿಸಿದೆ. ಮೃತರಲ್ಲಿ ವಿದ್ಯಾರ್ಥಿಗಳು ಕೂಡಾ ಸೇರಿದ್ದಾರೆ ಎಂದು ತಿಳಿದುಬಂದಿದೆ.
ಈ ಬಸ್ ಸೈಂಜ್ ಕಣಿವೆಯ ಶಂಶಾರ್ ನಿಂದ ಸೈಂಜ್ ಕಡೆಗೆ ಬರುತ್ತಿತ್ತು. ಅದೇ ಸಮಯದಲ್ಲಿ, ಈ ಬಸ್ ಜಂಗ್ಲಾ ಎಂಬ ಸ್ಥಳದಲ್ಲಿ ನಿಯಂತ್ರಣ ತಪ್ಪಿ ರಸ್ತೆಯ ಪಕ್ಕದ ಹಳ್ಳಕ್ಕೆ ಬಿದ್ದಿದೆ. ಸೈನ್ಜ್ ಶಾಲೆಯ ಕಡೆಗೆ ಬರುತ್ತಿದ್ದ ಈ ಬಸ್‌ನಲ್ಲಿ ಸ್ಥಳೀಯರಲ್ಲದೆ ಶಾಲಾ ಮಕ್ಕಳೂ ಪ್ರಯಾಣಿಸುತ್ತಿದ್ದರು. ಸದ್ಯ ಈ ಬಸ್‌ನಲ್ಲಿ ಎಷ್ಟು ಮಂದಿ ಇದ್ದರು ಎಂಬ ಬಗ್ಗೆ ಯಾವುದೇ ಮಾಹಿತಿ ಬಂದಿಲ್ಲ.
