ದರೋಡೆಗೆ ಬಂದವರೇ 100 ರೂಪಾಯಿ ಕೊಟ್ಟು ಜಾಗ ಖಾಲಿ ಮಾಡಿದ್ರು..!

ನವದೆಹಲಿ; ದಂಪತಿಯನ್ನು ದರೋಡೆ ಮಾಡಲು ಬಂದವರು, ಆ ದಂಪತಿಗೇ 100 ರೂಪಾಯಿ ಕೊಟ್ಟು ಜಾಗ ಖಾಲಿ ಮಾಡಿರುವ ಘಟನೆ ನಡೆದಿದೆ. ದೆಹಲಿಯ ಶಾಹದಾರದಲ್ಲಿ ಈ ಘಟನೆ ನಡೆದಿದೆ.

ಇಬ್ಬರು ಪಾನಮತ್ತರು ಸ್ಕೂಟಿಯಲ್ಲಿ ದರೋಡೆ ಮಾಡಲು ಬಂದಿದ್ದರು. ಗನ್‌ ತೋರಿಸಿ ದಂಪತಿಯೊಬ್ಬರಿಂದ ಚಿನ್ನಾಭರಣ ಹಾಗೂ ಹಣ ದರೋಡೆ ಮಾಡಲು ಯತ್ನಿಸಿದ್ದಾರೆ. ಆದ್ರೆ, ಅವರ ಬಳಿ ಕೇವಲ 20 ರೂಪಾಯಿ ಇತ್ತು. ಜೊತೆಗೆ ಮಹಿಳೆ ಮೈಮೇಲೆ ನಕಲಿ ಆಭರಣಗಳಿದ್ದವು. ಆ ಬಡ ದಂಪತಿಯ ಸ್ಥಿತಿ ಕಂಡ ದರೋಡೆಕೋರರು, ಅವರ ಕೈಗೇ 100 ರೂಪಾಯಿ ನೀಡಿ ಅಲ್ಲಿಂದ ಪರಾರಿಯಾಗಿದ್ದಾರೆ.

ಈ ಸಂಬಂದ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ. ಸ್ಥಳೀಯರೊಬ್ಬರು ಮೊಬೈಲ್‌ನಲ್ಲಿ ಆ ದೃಶ್ಯವನ್ನು ಸೆರೆಹಿಡಿದಿದ್ದಾರೆ. ಜೂನ್‌ 21ರಂದು ಈ ಘಟನೆ ನಡೆದಿದೆ ಎಂದು ತಿಳಿದುಬಂದಿದೆ. ಪೊಲೀಸರು ಇಬ್ಬರೂ ಆರೋಪಿಗಳನ್ನು ಬಂಧಿಸಿದ್ದು, ದೇವ್‌ ವರ್ಮಾ ಹಾಗೂ ಹರ್ಷ ರಜಪೂತ್‌ ಎಂದು ಗುರುತಿಸಲಾಗಿದೆ.