40ನೇ ಅಂತಸ್ತಿನಿಂದ ಕುಸಿದುಬಿತ್ತು ಲಿಫ್ಟ್‌; 7 ಮಂದಿ ದಾರುಣ ಸಾವು..!
ಮುಂಬೈ; ಮುಂಬೈನಲ್ಲಿ ಇಂದು ಬೆಳಗ್ಗೆ ಭೀಕರ ದುರಂತ ಸಂಭವಿಸಿದೆ. ನಿರ್ಮಾಣ ಹಂತದ ಕಟ್ಟಡದಲ್ಲಿ 40ನೇ ಮಹಡಿಯಿಂದ ಲಿಫ್ಟ್‌ ಕುಸಿದುಬಿದ್ದಿದೆ. ಈ ಭೀಕರ ದುರಂತದಲ್ಲಿ ಏಳು ಮಂದಿ ಕಟ್ಟಡ ಕಾರ್ಮಿಕರು ಮೃತಪಟ್ಟಿದ್ದಾರೆ. ಲಿಫ್ಟ್‌ನ ಕೇಬಲ್‌ ತುಂಡಾಗಿದ್ದರಿಂದ ಈ ಭೀಕರ ದುರಂತ ನಡೆದಿದೆ ಎಂದು ತಿಳಿದುಬಂದಿದೆ.
ಲಿಫ್ಟ್‌ನಲ್ಲಿ ಕೆಳಗಿಳಿಯುತ್ತಿದ್ದ ವೇಳೆ ಈ ದುರಂತ ನಡೆದಿದೆ. ಮಹೇಂದ್ರ ಚೌಪಾಲ್ (32), ಹರೂನ್ ಶೇಖ್ (47), ಮಿಥ್ಲೇಶ್ (35), ರೂಪೇಶ್ ಕುಮಾರ್ ದಾಸ್ (21), ಕರಿದಾಸ್ (38) ಹಾಗೂ ಸುನೀಲ್ ಕುಮಾರ್ ದಾಸ್ (21) ಲಿಫ್ಟ್‌ ದುರಂತದಲ್ಲಿ ಸಾವನ್ನಪ್ಪಿರುವ ದುರ್ದೈವಿಗಳು. ಮತ್ತೊಬ್ಬನ ಗುರುತು ಇನ್ನೂ ಪತ್ತೆಯಾಗಿಲ್ಲ.
