ಬಾಲಕಿಯರ ಮುಂದೆ ಅಸಭ್ಯ ವರ್ತನೆ; ಮಲಯಾಳಂ ನಟ ಶ್ರೀಜಿತ್‌ ರವಿ ಅರೆಸ್ಟ್‌
ತಿರುವನಂತಪುರ; ಬಾಲಕಿಯರೊಂದಿಗೆ ಅಸಭ್ಯವಾಗಿ ವರ್ತಿಸುತ್ತಿದ್ದನೆಂಬ ಆರೋಪದ ಮೇಲೆ ಮಲಯಾಳಂ ನಟ ಶ್ರೀಜಿತ್‌ ರವಿ ಎಂಬುವವರನ್ನು ತ್ರಿಶೂರ್‌ ಪಶ್ಚಿಮ ವಿಭಾಗದ ಪೊಲೀಸರು ಬಂಧಿಸಿದ್ದಾರೆ. ಈ ಹಿಂದೆಯೂ ಕೂಡಾ ಈತನನ್ನು ಇದೇ ರೀತಿಯ ವರ್ತನೆಯ ಕಾರಣ ಬಂಧಿಸಲಾಗಿತ್ತೆಂದು ಹೇಳಲಾಗಿದೆ.
ಜುಲೈ 4ರಂದು ಅಯ್ಯಂತೊಳೆ ಎಸ್‌ಎನ್‌ ಪಾರ್ಕ್‌ನಲ್ಲಿ ನಟ ಶ್ರೀಜಿತ್‌ ರವಿ, ಬಾಲಕಿಯರ ಮುಂದೆ ಗುಪ್ತಾಂಗ ಪ್ರದರ್ಶನ ಮಾಡಿದ್ದನಂತೆ. ಈ ಬಾಲಕಿಯರ ಪೋಷಕರು ದೂರು ದಾಖಲಿಸಿದ್ದು, ಇದರ ಆಧಾರದ ಮೇಲೆ ನಟ ಶ್ರೀಜಿತ್‌ನನ್ನು ಬಂಧಿಸಲಾಗಿದೆ. ಪೋಕ್ಸೋ ಕಾಯ್ದೆ ಪ್ರಕರಣ ದಾಖಲಿಸಲಾಗಿದೆ, ಸಿಸಿಟಿವಿಯಲ್ಲಿ ಶ್ರೀಜಿತ್‌ ಅಸಭ್ಯ ವರ್ತನೆ ದಾಖಲಾಗಿದೆ ಎಂದು ತಿಳಿದುಬಂದಿದೆ. 2016ರಲ್ಲಿ ಕೂಡಾ ಪಾಲಕ್ಕಾಡ್ ಪೊಲೀಸರು ಇಂತಹದೇ ಪ್ರಕರಣದಲ್ಲಿ ಶ್ರೀಜಿತ್‌ ರವಿಯನ್ನು ಬಂಧಿಸಿದ್ದರು.
