ನಟಿ ರಿಯಾ ಕುಮಾರಿ ಮರ್ಡರ್‌ ಕೇಸ್‌; ಪತಿ ಪ್ರಕಾಶ್ ಕುಮಾರ್ ಅರೆಸ್ಟ್‌
ರಾಂಚಿ; ಪಶ್ಚಿಮ ಬಂಗಾಳದ ಹೌರಾದಲ್ಲಿ ಇತ್ತೀಚೆಗೆ ಗುಂಡಿನ ದಾಳಿ ನಡೆದಿತ್ತು. ಇದರಲ್ಲಿ ಜಾರ್ಖಂಡ್ ಮೂಲದ ನಟಿ ರಿಯಾ ಕುಮಾರಿ ಹತರಾಗಿದ್ದರು. ಈ ಪ್ರಕರಣ ಸಂಬಂಧ ರಿಯಾ ಕುಮಾರಿ ಗಂಡ ಪ್ರಕಾಶ್ ಕುಮಾರ್ ಅವರನ್ನು ಪೊಲೀಸರು ಅರೆಸ್ಟ್‌ ಮಾಡಿದ್ದು, ವಿಚಾರಣೆ ನಡೆಸುತ್ತಿದ್ದಾರೆ.
ರಾಂಚಿಯಿಂದ ಕೋಲ್ಕತ್ತಾಗೆ ತೆರಳುತ್ತಿದ್ದಾಗ ಮಾರ್ಗಮಧ್ಯೆ ಈ ದುರ್ಘಟನೆ ನಡೆದಿತ್ತು. ಆದ್ರೆ, ಪತಿ ಪ್ರಕಾಶ್ ಕುಮಾರ್ ಅವರು ಹೆದ್ದಾರಿ ದರೋಡೆಕೋರರು ಗುಂಡು ಹಾರಿಸಿದ್ದರಿಂದ ತಮ್ಮ ಪತ್ನಿ ಸಾವನ್ನಪ್ಪಿದ್ದಾಳೆ ಎಂದು ಹೇಳಿಕೊಂಡಿದ್ದರು. ಶೌಚಕ್ಕೆಂದು ಕಾರು ನಿಲ್ಲಿಸಲಾಗಿತ್ತು. ಈ ವೇಳೆ ಮೂವರು ವ್ಯಕ್ತಿಗಳು ನಮ್ಮ ಬಳಿ ಇದ್ದ ನಗ ನಾಣ್ಯ ದೋಚಲು ಯತ್ನಿಸಿದರು. ರಿಯಾ ದರೋಡೆಕೋರರ ವಿರುದ್ಧ ತಿರುಗಿಬಿದ್ದಳು. ಈ ವೇಳೆ ಅವರು ಗುಂಡು ಹಾರಿಸಿದರು ಎಂದು ಬಂಧಿತ ಪ್ರಕಾಶ್ ಕುಮಾರ್ ಪೊಲೀಸರ ಮುಂದೆ ಹೇಳಿಕೊಂಡಿದ್ದಾರೆ.
ಪ್ರಕಾಶ್ ನೀಡಿರುವ ದೂರಿನ ಆಧಾರದ ಮೇಲೆಯೇ ಪೊಲೀಸರು ಕೇಸ್‌ ದಾಖಲು ಮಾಡಿಕೊಂಡಿದ್ದಾರೆ. ಜೊತೆಗೆ ಪ್ರಕಾಶ್ ಕುಮಾರ್ ಅವರನ್ನು ಸ್ಥಳಕ್ಕೆ ಕರೆದೊಯ್ದು ಸ್ಥಳ ಪರಿಶೀಲನೆ ಕೂಡಾ ಮಾಡಲಾಗಿದೆ.
