ಅಪ್ರಾಪ್ತ ಬಾಲಕಿ ಮೇಲೆ 10 ಅಪ್ರಾಪ್ತರಿಂದ ಸಾಮೂಹಿಕ ಅತ್ಯಾಚಾರ

ಅಪ್ರಾಪ್ತ ಬಾಲಕಿಯನ್ನು ಅರಣ್ಯಕ್ಕೆ ಕರೆದೊಯ್ದು ಹತ್ತು ಮಂದಿ ಅಪ್ರಾಪ್ತರು ಬಾಲಕರು ಸಾಮೂಹಿಕ ಅತ್ಯಾಚಾರ ಎಸಗಿರುವ ಘಟನೆ ಬೆಲ್ಜಿಯಂನಲ್ಲಿ ನಡೆದಿದೆ.. 14 ವರ್ಷದ ಬಾಲಕಿ ಮೇಲೆ 11 ಮತ್ತು 16 ವರ್ಷದ ನಡುವಿನ ಬಾಲಕರು ಅತ್ಯಾಚಾರ ಎಸಗಿದ್ದಾರೆ.. ಇದು ಇಡೀ ದೇಶವನ್ನು ಬೆಚ್ಚಿ ಬೀಳಿಸಿದೆ..

ಬೆಲ್ಜಿಯಂನ ವೆಸ್ಟ್ ಫ್ಲಾಂಡರ್ಸ್ ಪ್ರಾಂತ್ಯದ ಅರಣ್ಯದಲ್ಲಿ ಈ ಕೃತ್ಯ ಎಸಗಲಾಗಿದೆ.. 14 ವರ್ಷದ ಬಾಲಕಿ ತನ್ನ ಗೆಳೆಯನ‌ ಜೊತೆ ಹೊರಗಡೆ ಹೋಗಿದ್ದಳು.. ಈ ವೇಳೆ ಸ್ನೇಹಿತನ ಜೊತೆ ಹಲವು ಹುಡುಗರಿದ್ದು, ಎಲ್ಲರೂ ಆಕೆಯನ್ನು ಪುಸಲಾಯಿಸಿ ಕಾಡಿಗೆ ಕರೆದೊಯ್ದು ದುಷ್ಕೃತ್ಯ ಎಸಗಿದ್ದಾರೆ.. ಏಪ್ರಿಲ್ 2-6 ರ ನಡುವೆ ಈ ಕೃತ್ಯ ಎಸಗಲಾಗಿದೆ.. ಇದರಲ್ಲಿ 11 ವರ್ಷದ ಪುಟ್ಟ ಬಾಲಕ ಕೂಡಾ ಭಾಗಿಯಾಗಿದ್ದಾನೆ ಅನ್ನೋದು ವಿಪರ್ಯಾಸದ ಸಂಗತಿ..

   ಕೃತ್ಯದಲ್ಲಿ ಪಾಲ್ಗೊಂಡ ಎಲ್ಲಾ ಆರೋಪಿಗಳನ್ನೂ ಬಂಧಿಸಲಾಗಿದೆ.. ವಿಚಾರಣೆ ನಡೆಸಲಾಗುತ್ತಿದೆ.. ಈ ಹಿಂದೆ ಇಲ್ಲಿನ ಇಂತಹದ್ದೆ ಒಂದು ಪೈಶಾಚಿಕ ಕೃತ್ಯ ನಡೆದಿತ್ತು ಎಂದು ಹೇಳಲಾಗುತ್ತಿದೆ..