ಬೆಂಗಳೂರಿನ ರೇವ್‌ ಪಾರ್ಟಿ ಮೇಲೆ ದಾಳಿ; ಸಿಕ್ಕಿಬಿದ್ದ ಈ ಖ್ಯಾತ ನಟಿ, ನಟ ಯಾರು..?
ಬೆಂಗಳೂರು; ಬೆಂಗಳೂರಿನಲ್ಲಿ ವೀಕೆಂಡ್‌ ಪಾರ್ಟಿ ನೆಪದಲ್ಲಿ ನಡೆಯುತ್ತಿದ್ದ ರೇವ್‌ ಪಾರ್ಟಿ ಮೇಲೆ ಸಿಸಿಬಿ ಪೊಲೀಸರು ದಾಳಿ ನಡೆಸಿದ್ದಾರೆ.. ಈ ಪಾರ್ಟಿಯಲ್ಲಿ ನಟ, ನಟಿಯರು, ಮಾಡೆಲ್‌ಗಳು, ಟೆಕ್ಕಿಗಳು ಪಾಲ್ಗೊಂಡಿದ್ದರು ಎಂದು ತಿಳಿದುಬಂದಿದೆ.. ತೆಲುಗಿನ ಖ್ಯಾತ ನಟಿ ಸೇರಿ 100ಕ್ಕೂ ಹೆಚ್ಚು ಮಂದಿ ಅಲ್ಲಿದ್ದರು. ಇದರಲ್ಲಿ 50 ಮಂದಿಯನ್ನು ಸಿಸಿಬಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ..
ಈ ರೇವ್‌ ಪಾರ್ಟಿಯಲ್ಲಿ ಎಂಡಿಎಂಎ ಹಾಗೂ ಕೊಕೇನ್‌ ಮುಂತಾದ ಮಾದಕ ವಸ್ತುಗಳನ್ನು ಬಳಕೆ ಮಾಡಿರುವುದು ಕಂಡುಬಂದಿದೆ.. ಬರ್ತ್ ಡೇ ಹೆಸರಿನಲ್ಲಿ ಸನ್ ಸೆಟ್ ಟು ಸನ್ ರೈಸ್ ಎಂದು ಪಾರ್ಟಿ ಆಯೋಜನೆ ಮಾಡಲಾಗಿತ್ತು ಎಂದು ತಿಳಿದುಬಂದಿದೆ.. ಇದರಲ್ಲಿ ಹಲವು ಸಿನಿಮಾ ನಟ, ನಟಿಯರು, ಮಾಡೆಲ್‌ಗಳು, ಉದ್ಯಮಿಗಳು, ಟೆಕ್ಕಿಗಳು ಭಾಗಿಯಾಗಿದ್ದರು.. ಸುಮಾರು 100 ಜನ ಇದ್ದ ಪಾರ್ಟಿಯಲ್ಲಿ 25ಕ್ಕೂ ಹೆಚ್ಚು ಯುವತಿಯರು ಇದ್ದರು ಎಂದು ಗೊತ್ತಾಗಿದೆ..
ಈ ಪಾರ್ಟಿಯಲ್ಲಿ ತೆಲುಗು ಚಿತ್ರರಂಗದ ಕಿರುತೆರೆ, ಹಿರಿತೆರೆ ನಟಿಯರು ಕೂಡಾ ಭಾಗವಹಿಸಿದ್ದರು ಎಂದು ತಿಳಿದುಬಂದಿದೆ.. ಅದ್ರಲ್ಲೂ ತೆಲುಗಿನ ಖ್ಯಾತ ಪೋಷಕ ನಟಿ ಹೇಮಾ ಕೂಡಾ ಇದರಲ್ಲಿ ಕಾಣಿಸಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.. ಸಿಸಿಬಿ ಅಧಿಕಾರಿಗಳು 50ಕ್ಕೂ ಹೆಚ್ಚು ಮಂದಿಯನ್ನು ವಶಕ್ಕೆ ಪಡೆದು ವಿಚಾರಣೆ ಮಾಡುತ್ತಿದ್ದಾರೆ..
