ನರ್ಸ್‌ ಜೊತೆ ಕೂಡಾ ಅನುಚಿತ ವರ್ತನೆ ತೋರಿದ ಅಂಜಲಿ ಕೊಲೆ ಆರೋಪಿ!
ಹುಬ್ಬಳ್ಳಿ; ಅಂಜಲಿ ಎಂಬ ಯುವತಿಯನ್ನು ಅವರ ಮನೆಯಲ್ಲೇ ಕೊಲೆ ಮಾಡಿ, ಪರಾರಿಯಾಗುವಾಗ ರೈಲಿನಲ್ಲೂ ಮಹಿಳೆಯರ ಜೊತೆ ಅನುಚಿತ ವರ್ತನೆ ತೋರಿದ್ದ ಆರೋಪಿ ತನ್ನ ಬುದ್ಧಿ ಮುಂದುವರೆಸಿದ್ದಾನೆ.. ರೈಲಿನಿಂದ ಬಿದ್ದ ಗಾಯಗೊಂಡಿದ್ದ ಆರೋಪಿ ವಿಶ್ವ ಅಲಿಯಾಸ್‌ ಗಿರೀಶ್‌ ಹುಬ್ಬಳ್ಳಿಯ ಕಿಮ್ಸ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ.. ಈ ವೇಳೆ ಆಸ್ಪತ್ರೆ ನರ್ಸ್‌ ಜೊತೆಯೂ ಅನುಚಿತ ವರ್ತನೆ ತೋರಿದ್ದಾನೆ. ಮಹಿಳಾ ಸಿಬ್ಬಂದಿ ಜೊತೆ ಅನುಚಿತವಾಗಿ ವರ್ತಿಸಿರುವುದಲ್ಲದೆ ಧಮ್ಕಿ ಕೂಡಾ ಹಾಕುತ್ತಿದ್ದಾನೆ ಎಂದು ತಿಳಿದುಬಂದಿದೆ..
ವಿಶ್ವನ ವರ್ತನೆ ಮಿತಿಮೀರಿದ್ದರಿಂದಾಗಿ ಆತ ಚಿಕಿತ್ಸೆ ಪಡೆಯುತ್ತಿದ್ದ ಕೊಠಡಿಗೆ ಪೊಲೀಸ್ ಭದ್ರತೆ ಹೆಚ್ಚಿಸಲಾಗಿದೆ.. ಏಳು ಜನ ಪೊಲೀಸರನ್ನು ಭದ್ರತೆಗೆ ನಿಯೋಜಿಸಲಾಗಿದ್ದು, ಆತನ ವರ್ತನೆ ಕಂಟ್ರೋಲ್‌ ಮಾಡಿಸುವ ಪ್ರಯತ್ನ ನಡೆದಿದೆ..
ಆರೋಪಿ ವಿಶ್ವ ಪೊಲೀಸ್ ವಶದಲ್ಲಿದ್ದು, ರೈಲಿನಿಂದ ಕೆಳಗೆ ಹಾರಿದಾಗ ತೀವ್ರವಾಗಿ ಗಾಯಗೊಂಡಿದ್ದ.. ಈ ಹಿನ್ನೆಲೆಯಲ್ಲಿ ಆತನಿಗೆ ಚಿಕಿತ್ಸೆ ಕೊಡಿಸಲಾಗುತ್ತಿದೆ.. ಈ ವೇಳೆಯೂ ಆತ ಅನುಚಿತವಾಗಿಯೇ ವರ್ತಿಸುತ್ತಿದ್ದಾನೆ..
