5 ಕೆಜಿ ತೂಕದ ನೆಲ ಬಾಂಬ್‌ ಸ್ಫೋಟಕ್ಕೆ ಸಂಚು; ಭಾರಿ ದುರಂತ ತಪ್ಪಿಸಿದ ಪೊಲೀಸರು
ಪುಲ್ವಾಮಾ: ಜಮ್ಮು- ಕಾಶ್ಮೀರದ ಶ್ರೀನಗರ ರಸ್ತೆಯಲ್ಲಿ ವಾನ್‌ಪೋರಾ ಬಳಿ ಉಗ್ರರು ನೆಲ ಬಾಂಬ್‌ ಇಟ್ಟಿರುವುದು ಪತ್ತೆಯಾಗಿದೆ. ಯೋಧರು ಹಾಗೂ ಪುಲ್ವಾಮಾ ಪೊಲೀಸರ ಜಂಟಿ ಕಾರ್ಯಾಚರಣೆ ವೇಳೆ ಐಇಡಿ ಬಾಂಬ್‌ ಯನ್ನು ನೆಲದಲ್ಲಿ ಹೂತಿಟ್ಟಿರುವುದು ಪತ್ತೆಯಾಗಿದೆ. ಬಾಂಬ್‌ ನಿಷ್ಕ್ರಿಯದಳ ಬಾಂಬ್‌ ನ್ನು ನಿಷ್ಕ್ರಿಯಗೊಳಿಸಿದೆ.
ಬಾಂಬ್‌ ಐದು ಕೆಜಿ ತೂಕವಿದ್ದು, ಒಂದು ಪಾತ್ರೆಯಲ್ಲಿ ಉಗ್ರರು ಬಚ್ಚಿಟ್ಟಿದ್ದರು. ಈ ಬಗ್ಗೆ ಮಾಹಿತಿ ಪಡೆದ ಪೊಲೀಸರು ಹಾಗೂ ಯೋಧರು ರಸ್ತೆ ಬದಿಯಲ್ಲಿ ಬಚ್ಚಿಟ್ಟಿದ್ದ ಬಾಂಬ್‌ಗಳನ್ನು ಪತ್ತೆ ಹಚ್ಚಿದ್ದಾರೆ. ಕೆಲವು ಅನುಮಾನಾಸ್ಪದ ವ್ಯಕ್ತಿಗಳನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದು, ವಿಚಾರಣೆ ನಡೆಸಲಾಗುತ್ತಿದೆ.
