ತೆಲಂಗಾಣದಲ್ಲಿ ಭೀಕರ ರಸ್ತೆ ಅಪಘಾತ; ಮೂವರು ದಾರುಣ ಸಾವು
ಪೆದ್ದಪಲ್ಲಿ: ತೆಲಂಗಾಣದ ಪೆದ್ದಪಲ್ಲಿ ಸಮೀಪದ ಗಂಗಾನಗರದ ಬಳಿ ಭೀಕರ ಅಪಘಾತ ಸಂಭವಿಸಿದ್ದು, ದಂಪತಿ ಹಾಗೂ ಮಗು ಸಾವನ್ನಪ್ಪಿರುವ ದಾರುಣ ಘಟನೆ ನಡೆದಿದೆ. ಚಲಿಸುತ್ತಿದ್ದ ಆಟೋ ಮೇಲೆ ಲಾರಿಯೊಂದು ಉರುಳಿಬಿದ್ದಿದ್ದರಿಂದ ಈ ದುರಂತ ಸಂಭವಿಸಿದೆ.
ಇಬ್ಬರು ಮಕ್ಕಳ ಜೊತೆ ರಾಮಗುಂಡ ನಿವಾಸಿ ಶೇಖ್ ಶೇಕಿಲ್, ಪತ್ನಿ ರೇಷ್ಮಾ ಆಟೋದಲ್ಲಿ ಪ್ರಯಾಣಿಸುತ್ತಿದ್ದರು. ಈ ನಾಲ್ವರಲ್ಲದೆ ಇನ್ನೂ ಇಬ್ಬರು ಆಟೋದಲ್ಲಿದ್ದರು. ಎಲ್ಲರೂ ಮಂಚಿರ್ಯಾಲ ಜಿಲ್ಲೆ ಇಂದಾರಂ ಗ್ರಾಮಕ್ಕೆ ಪ್ರಯಾಣಿಸುತ್ತಿದ್ದರು. ಆದರೆ ಆಟೋ ಗೋದಾವರಿಖನಿ ಗಂಗಾನಗರ್‌ ಫ್ಲೈಓವರ್‌ ಬಳಿ ಹೋಗುತ್ತಿದ್ದಂತೆ ಎದುರಿನಿಂದ ಕಲ್ಲಿದ್ದಲು ತುಂಬಿಕೊಂಡು ಬರುತ್ತಿದ್ದ ಮತ್ತು ಇನ್ನೊಂದು ಲಾರಿ ನಡುವೆ ಮುಖಾಮುಖಿ ಡಿಕ್ಕಿ ಸಂಭವಿಸಿದೆ. ಈ ವೇಳೆ ಲಾರಿಯೊಂದು ಆಟೋ ಮೇಲೆ ಉರುಳಿಬಿದ್ದಿದೆ.
ಘಟನೆಯಲ್ಲಿ ಶೇಖ್ ಶಕೀಲ್, ರೇಷ್ಮಾ ಹಾಗೂ ಮಗುವೊಂದು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಎರಡು ತಿಂಗಳ ಮಗು ಸೇರಿದಂತೆ ಮೂವರಿಗೆ ಗಾಯಗಳಾಗಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
