Vidyabalan; ನಟಿ ವಿದ್ಯಾಬಾಲನ್‌ಗೆ ಕಿರಿಕಿರಿ ಮಾಡಿದ ವ್ಯಕ್ತಿ; ವಿಡಿಯೋ ಇದೆ!

ಮುಂಬೈ; ಖ್ಯಾತ ಗಜಲ್ ಗಾಯಕ ಪಂಕಜ್ ಉದಾಸ್ ಅವರು ಫೆಬ್ರವರಿ 26 ರಂದು ನಿಧನರಾದ ವಿಷಯ ಎಲ್ಲರಿಗೂ ಗೊತ್ತೇ ಇದೆ. ಈ ವೇಳೆ ಅಂತಿಮ ದರ್ಶನಕ್ಕೆ ಬಂದಿದ್ದ ಖ್ಯಾತ ನಟಿ ವಿದ್ಯಾಬಾಲನ್‌ ವ್ಯಕ್ತಿಯೊಬ್ಬನ ಕಾರಣದಿಂದ ತುಂಬಾ ಇರಿಸುಮುರಿಸು ಅನುಭವಿಸಿದ್ದಾರೆ. ಅದರ ವಿಡಿಯೋ ಈಗ ಎಲ್ಲೆಡೆ ವೈರಲ್‌ ಆಗುತ್ತಿದ್ದು, ಆ ವ್ಯಕ್ತಿಯ ವಿರುದ್ಧ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

ಇದನ್ನೂ ಓದಿ; Pushpa-2; ಆ ಒಂದು ಸೀನ್‌ಗಾಗಿ 50 ಕೋಟಿ ಖರ್ಚು ಮಾಡದರಾ..?

ವಿದ್ಯಾಬಾಲನ್‌ಗೆ ತೊಂದರೆ ಕೊಟ್ಟ ವ್ಯಕ್ತಿ;

ವಿದ್ಯಾಬಾಲನ್‌ಗೆ ತೊಂದರೆ ಕೊಟ್ಟ ವ್ಯಕ್ತಿ; ನಟಿ ವಿದ್ಯಾಬಾಲನ್‌ ಅವರು ಪಂಕಜ್‌ ಉದಾಸ್‌ ಅವರ ಅಂತಿಮ ದರ್ಶನಕ್ಕೆ ಬಂದಿದ್ದರು. ಕಾರಿಳಿದು ಅವರು ನಡೆದುಕೊಂಡು ಹೋಗುತ್ತಿದ್ದಾಗ, ವ್ಯಕ್ತಿಯೊಬ್ಬ ಅಡ್ಡ ಬಂದಿದ್ದಾನೆ. ಬಲವಂತದಿಂದ ಸೆಲ್ಫಿ ತೆಗೆದುಕೊಳ್ಳಲು ಪ್ರಯತ್ನಿಸಿದ್ದಾನೆ. ವಿದ್ಯಾಬಾಲನ್‌ ಜೊತೆ ಹುಡುಗಿಯೊಬ್ಬಳಿದ್ದು ಆಕೆ ಆತನನ್ನು ತಡೆಯಲು ಯತ್ನಿಸಿದ್ದಾಳೆ. ಆದರೂ ಕೂಡಾ ಬಿಡದೇ ಆತ ಪದೇ ಪದೇ ಫೋಟೋ ತೆಗೆದುಕೊಳ್ಳಲು ಹೋಗಿ ವಿದ್ಯಾಬಾಲನ್‌ ಗೆ ಇರಿಸು ಮುರಿಸು ಉಂಟಾಗುವಂತೆ ಮಾಡಿದ್ದಾನೆ. ಆದರೂ ಕೂಡಾ ವಿದ್ಯಾಬಾಲನ್‌ ಯಾವುದೇ ಪ್ರತಿಕ್ರಿಯೆ ನೀಡದೇ ಮೌನವಾಗಿ ನಿಂತಿರುವುದನ್ನು ದೃಶ್ಯಗಳಲ್ಲಿ ಕಾಣಬಹುದು.

ಇದನ್ನೂ ಓದಿ; ರಶ್ಮಿಕಾಗೆ ಗಂಡ ಎಂದರೆ ವಿಜಯ್‌ ದೇವರಕೊಂಡ ರೀತಿ ಇರಬೇಕಂತೆ!

ಏನನ್ನೂ ಮಾತನಾಡದ ವಿದ್ಯಾಬಾಲನ್‌;

ಏನನ್ನೂ ಮಾತನಾಡದ ವಿದ್ಯಾಬಾಲನ್‌; ಖ್ಯಾತ ಗಾಯಕರೊಬ್ಬರು ತೀರಿಹೋಗಿದ್ದು, ಅವರ ಅಂತಿಮ ದರ್ಶನಕ್ಕೆ ಬಂದಾಗ ಯಾರೇ ಆದರೂ ದುಃಖದಲ್ಲಿರುತ್ತಾರೆ.. ಇಂತಹ ಸಂದರ್ಭದಲ್ಲಿ ಯಾರೂ ಕೂಡಾ ಸೆಲ್ಫಿ ತೆಗೆಯಲು ಮುಂದಾಗುವುದಿಲ್ಲ.. ಅಲ್ಲಿ ಮೌನ ಮುಖ್ಯವಾಗುತ್ತದೆ.. ಯಾರೂ ರಾದ್ಧಾಂತ ಮಾಡಲೂ ಹೋಗುವುದಿಲ್ಲ.. ಹೀಗಾಗಿಯೇ ಆ ವ್ಯಕ್ತಿ ಎಷ್ಟೇ ಕಿರಿಕಿರಿ ಉಂಟು ಮಾಡಿದರೂ ನಟಿ ವಿದ್ಯಾಬಾಲನ್‌ ಮೌನವಾಗಿದ್ದರು. ಅವರ ತಾಳ್ಮೆಯನ್ನು ಜನರು ಹೊಗಳಿಸಿದ್ದಾರೆ. ಜೊತೆಗೆ ಸಾಮಾನ್ಯ ಜ್ಞಾನ ಇಲ್ಲದಂತೆ ವರ್ತಿಸಿರುವ ವ್ಯಕ್ತಿಯ ವಿರುದ್ಧ ಜನರು ಆಕ್ರೋಶ ಹೊರಹಾಕಿದ್ದಾರೆ. ಆತನಿಗೆ ಕಾಮನ್‌ ಸೆನ್ಸ್‌ ಇಲ್ಲ ಎಂದು ಕಿಡಿಕಾರಿದ್ದಾರೆ.

ಕೆಲವರಿಗೆ ಹೃದಯವೇ ಇರುವುದಿಲ್ಲ ಎಂದ ನೆಟ್ಟಿಗರು;

ಕೆಲವರಿಗೆ ಹೃದಯವೇ ಇರುವುದಿಲ್ಲ ಎಂದ ನೆಟ್ಟಿಗರು;  ಕೆಲವು ನೆಟ್ಟಿಗರು ಈ ವಿಡಿಯೋಗೆ ಕೋಪದಿಂದ ಕಾಮೆಂಟ್ ಮಾಡುತ್ತಿದ್ದಾರೆ. “ಸಮಯ ಯಾವುದು ಮತ್ತು ಸ್ಥಳ ಯಾವುದು ಎಂದು ಅರ್ಥಮಾಡಿಕೊಳ್ಳದ ಕೆಲವು ಜನರಿದ್ದಾರೆ. ಇಂತಹವರಿಗೆ ಎಷ್ಟು ಬುದ್ಧಿ ಹೇಳಿದರೂ ಸಾಕಾಗದು” ಎಂದು ಹಲವರು ಕಾಮೆಂಟ್ ಮಾಡಿದ್ದಾರೆ. ಕೆಲವರಂತೂ ಇಂತಹವರಿಗೆ ಸ್ಥಳದಲ್ಲೇ ಕಪಾಳಮೋಕ್ಷ ಮಾಡಬೇಕಿತ್ತು ಎಂದೂ ಜರಿದಿದ್ದಾರೆ.

ಇದನ್ನೂ ಓದಿ; ಬೆಂಗಳೂರಲ್ಲಿ ಕಾರ್ತೀಕ್‌ ಆರ್ಯನ್;‌ ಮಸಾಲೆದೋಸೆ ಸವಿದ ಬಾಲಿವುಡ್‌ ನಟ

ಪಂಕಜ್‌ ಉದಾಸ್‌ ಅಂತ್ಯಕ್ರಿಯೆ ವೇಳೆ ಯಾರಿದ್ದರು..?;

ಪಂಕಜ್‌ ಉದಾಸ್‌ ಅಂತ್ಯಕ್ರಿಯೆ ವೇಳೆ ಯಾರಿದ್ದರು..?; ಮಂಗಳವಾರ ನಡೆದ ಪಂಕಜ್ ಅವರ ಅಂತ್ಯಕ್ರಿಯೆಯಲ್ಲಿ ಸೋನು ನಿಗಮ್, ಅನುಪ್ ಜಲೋಟಾ, ತಬಲಾ ಮಾಂತ್ರಿಕ ಮತ್ತು ಜಾಕಿರ್ ಹುಸೇನ್ ಸೇರಿದಂತೆ ಬಾಲಿವುಡ್ ಉದ್ಯಮದ ಹಲವಾರು ತಾರೆಯರು ಭಾಗವಹಿಸಿದ್ದರು. ವಿದ್ಯಾ ಬಾಲನ್ ಕೂಡ ಗೌರವ ಸಲ್ಲಿಸಲು ಬಂದಿದ್ದು, ಅಲ್ಲಿ ವ್ಯಕ್ತಿಯೊಬ್ಬ ಸೆಲ್ಫಿಗಾಗಿ ಕಿರುಕುಳ ನೀಡಿದ್ದಾನೆ. ವಿದ್ಯಾ ಬಾಲನ್ ಅವರ ಚಿತ್ರಗಳಿಗೆ ಸಂಬಂಧಿಸಿದಂತೆ. ವಿದ್ಯಾ ಬಾಲನ್ ಶೀಘ್ರದಲ್ಲೇ ‘ಭೂಲಯ್ಯ 3’ ಚಿತ್ರದಲ್ಲಿ ಕಾರ್ತಿಕ್ ಆರ್ಯನ್ ಮತ್ತು ಟ್ರಿಪ್ತಿ ಡಿಮ್ರಿ ಜೊತೆಗೆ ಮಂಜುಲಿಕಾ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದಲ್ಲದೇ ‘ದೋ ಔರ್ ದೋ ಪ್ಯಾರ್’ ಚಿತ್ರದಲ್ಲೂ ನಟಿಸಲಿದ್ದಾರೆ. ಚಿತ್ರವು ಮಾರ್ಚ್ 29 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.