ಅಮೆರಿಕಾದಲ್ಲೂ RRRಸಿನಿಮಾ ಹವಾ, ʻನಾಟು ನಾಟುʼ ಹಾಡಿಗೆ ಹೆಜ್ಜೆ ಹಾಕಿದ ʻಟೆಡ್ಡಿʼ
ಅಮೆರಿಕಾ: ಕಳೆದ ಕೆಲವು ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ‘ಆರ್‌ಆರ್‌ಆರ್‌’ ಮಾಸ್‌ ಸಾಂಗ್‌ನದ್ದೇ ಹವಾ. ಎಲ್ಲಿ ಕೇಳಿದರೂ.. ಎಲ್ಲಿ ನೋಡಿದರೂ ಇದೇ.. ಯಂಗ್ ಟೈಗರ್ ಎನ್.ಟಿ.ಆರ್ – ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ಇಬ್ಬರೂ ‘ನಾಟು ನಾಟು’ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಈ ಇಬ್ಬರು ನಾಯಕರು ಅತ್ಯುತ್ತಮ ನೃತ್ಯಗಾರರಾಗಿದ್ದು, ಒಂದೇ ಹಾಡಿನಲ್ಲಿ ಇವರಿಬ್ಬರು ಜೊತೆಯಾಗಿ ಹೆಜ್ಜೆ ಹಾಕಿರುವುದು ಬಾಕ್ಸಾಫಿಸ್‌ ಧೂಳೆಬ್ಬಿಸಿದೆ.
ಸಾಮಾನ್ಯರಿಂದ ಹಿಡಿದು ಸೆಲೆಬ್ರಿಟಿಗಳವರೆಗೆ.. ಮಕ್ಕಳಿಂದ ಹಿಡಿದು ವೃದ್ಧರವರೆಗೆ ಎಲ್ಲರೂ ಈ ಹಾಡಿಗೆ ಹೆಜ್ಜೆ ಹಾಕುತ್ತಿದ್ದಾರೆ. ಇತ್ತೀಚೆಗಷ್ಟೇ ಅಮೆರಿಕದ ಹುಡುಗನೊಬ್ಬ ಈ ಹಾಡಿಗೆ ಟೆಡ್ಡಿ ಜೊತೆ ಡ್ಯಾನ್ಸ್ ಮಾಡಿರುವ ವಿಡಿಯೋ ಈಗ ಹರಿದಾಡಿದೆ. USA ನಲ್ಲಿ Naatufied ಹೆಸರಿನಲ್ಲಿ ಹಂಚಿಕೊಂಡಿರುವ ವೀಡಿಯೊ ಈಗ ವೈರಲ್ ಆಗಿದೆ.
Naatufied in USA?? #NaatuNaatu #RoarOfRrrInUSA #RoarOfRRR@wrightstate @RRRMovie @tarak9999 @ssrajamouli pic.twitter.com/9256eVf5Rz
— mahendRRRa talasila? (@mahitalasila) January 29, 2022
ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ ಇಷ್ಟೊತ್ತಿಗೆ ಬಾಕ್ಸ್ ಆಫೀಸ್ ನಲ್ಲಿ ಆರ್ ಆರ್ ಆರ್ ದಾಖಲೆ ಮಾಡುತ್ತಿತ್ತು. ಜನವರಿ 7ರಿಂದ ಈ ಸಿನಿಮಾವನ್ನು ಮುಂದೂಡುತ್ತಾ ಬಂದಿದ್ದಾರೆ. ಮಾರ್ಚ್ 18 ಅಥವಾ ಏಪ್ರಿಲ್ 28 ರಂದು ಬಿಡುಗಡೆ ಮಾಡಲು ಪ್ಲಾನ್‌ ಮಾಡ್ತಿದ್ದಾರೆ ಚಿತ್ರತಂಡ.
