ನಟ ಮಹೇಶ್ ಬಾಬುಗೆ ಕೊರೊನಾ ದೃಢ
ಹೈದರಾಬಾದ್‌ : ದಕ್ಷಿಣ ಚಿತ್ರರಂಗದ ಸ್ಟಾರ್‌ ನಟ ಪ್ರಿನ್ಸ್‌ ಮಹೇಶ್ ಬಾಬು ಅವರಿಗೆ ಕೊರೊನಾ ದೋಂಕು ದೃಢಪಟ್ಟಿದೆ. ಈ ವಿಚಾರವನ್ನು ನಟ ಮಹೇಶ್ ಬಾಬು ಅವರೇ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ವರ್ಷ ಜನವರಿ 13ಕ್ಕೆ ಮಹೇಶ್ ಬಾಬು ಅಭಿನಯದ ʼಸರ್ಕಾರಿ ವಾರಿ ಪಾಠʼ ಸಿನಿಮಾ ತೆರೆಗೆ ಬರಲು ಸಿದ್ದವಿತ್ತು. ಆದರೆ RRR ಸಿನಿಮಾಗೆ ದಾರಿ ಮಾಡಿಕೊಟ್ಟು ತಮ್ಮ ಸಿನಿಮಾವನ್ನು ಮುಂದೂಡಿಕೊಂಡಿದ್ದರು. ಈ ನಡೆಗೆ ಸಾಕಷ್ಟು ಮೆಚ್ಚುಗೆಯೂ ವ್ಯಕ್ತವಾಗಿತ್ತು.
ಮಹೇಶ್ ಬಾಬು ಅವರ ಟ್ವೀಟ್‌ನಲ್ಲಿ ಏನಿದೆ ?
“ನನ್ನ ಎಲ್ಲಾ ಅಭಿಮಾನಿಗಳಿಗೆ ಹಾಗೂ ಹಿತೈಷಿಗಳಿಗೆ, ನಾನು ಎಲ್ಲಾ ಮುಂಜಾಗ್ರತಾ ಕ್ರಮಗಳನ್ನು ಅನುಸರಿಸಿದ್ದರೂ ಕೂಡ ನನಗೆ ಕೋವಿಡ್‌ ಪಾಸಿಟಿವ್‌ ಬಂದಿದೆ. ಆದ್ದರಿಂದ ನಾನು ಮನೆಯಲ್ಲೇ ಐಸೋಲೇಟ್‌ ಆಗಿದ್ದೇನೆ. ಇತ್ತೀಚಿನ ದಿನಗಳಲ್ಲಿ ನನ್ನ ಸಂಪರ್ಕಕ್ಕೆ ಬಂದಿರುವ ಎಲ್ಲರೂ ದಯಮಾಡಿ ಕೋವಿಡ್‌ ಪರೀಕ್ಷೆ ಮಾಡಿಸಿಕೊಳ್ಳಿ. ಹಾಗೆಯೇ ಕಡ್ಡಾಯವಾಗಿ ಲಸಿಕೆ ಹಾಕಿಸಿಕೊಳ್ಳತಕ್ಕದ್ದು, ಇದರಿಂದ ಕೊರೊನಾ ಸೃಷ್ಠಿಸಬಹುದಾದ ಆಪತ್ತು ಕಮ್ಮಿ ಆಗುತ್ತದೆ” ಎಂದು ಬರೆದು ಕೊಂಡಿದ್ದಾರೆ.
— Mahesh Babu (@urstrulyMahesh) January 6, 2022
