ಕುಡಿದ ಮತ್ತಿನಲ್ಲಿ ಗೋವಾದಲ್ಲಿ ಬಡಿದಾಡಿಕೊಂಡ ಕನ್ನಡ ಚಿತ್ರ ನಿರ್ಮಾಪಕರು!

ಬೆಂಗಳೂರು; ಹೋಗಿದ್ದು ಕಾರ್ಯಕ್ರಮ ರೂಪುರೇಷೆ ಸಿದ್ಧಪಡಿಸಲು.. ಆದ್ರೆ ಅಲ್ಲಿ ನಡೆದದ್ದೇ ಬೇರೆ.. ಕನ್ನಡದ ಸಿನಿಮಾ ನಿರ್ಮಾಪಕರು ಕುಡಿದ ಮತ್ತಿನಲ್ಲಿ ಗೋವಾದಲ್ಲಿ ಜಗಳ ಮಾಡಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ.. ಈ ಬಗ್ಗೆ ಮಾಧ್ಯಮವೊಂದಕ್ಕೆ ನಿರ್ಮಾಪಕ ಎ.ಗಣೇಶ್ ಅಲ್ಲಿ ಏನು ನಡೆಯಿತು ಎಂಬುದನ್ನು ವಿವರಿಸಿದ್ದಾರೆ..

ಸಿನಿ 90 ಕಾರ್ಯಕ್ರಮ ರೂಪುರೇಷೆ ನಿಮಿತ್ತ ಫಿಲ್ಮ್ ಚೇಂಬರ್ ಸದಸ್ಯರು ಗೋವಾಗೆ ಟ್ರಿಪ್‌ ಹೋಗಿದ್ದರು.. ಸುಮಾರು 54 ಮಂದಿ ಗೋವಾ ಟ್ರಿಪ್‌ ಮಾಡಿದ್ದರು.. ಈ ವೇಳೆ ಕುಡಿದು ಗಲಾಟೆ ಮಾಡಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.. ನಿರ್ಮಾಪಕ ಎ.ಗಣೇಶ್ ಮತ್ತು ರಥಾವರ ಮಂಜುನಾಥ್ ಅವರ ಮೇಲೆ ಸತೀಶ್ ಆರ್ಯ ಅವರು ಹಲ್ಲೆ ಮಾಡಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ..

ಕುಡಿದ ಮತ್ತಿನಲ್ಲಿ ಈ ಗಲಾಟೆ ನಡೆದಿದ್ದು, ಸತೀಶ್‌ ಆರ್ಯ ಅವರು ನಿರ್ಮಾಪಕ ಎ.ಗಣೇಶ್ ಮತ್ತು ರಥಾವರ ಮಂಜುನಾಥ್ ಹಲ್ಲೆ ಮಾಡಿದ್ದಾರೆ.. ಪಾರ್ಟಿ ಮಧ್ಯೆ ಏಕಾಏಕಿ ಪ್ಲೇಟ್ ಮತ್ತು ಫೋರ್ಕ್ ಸ್ಪೂನ್​ನಿಂದ ನಿರ್ಮಾಪಕ ಸತೀಶ್ ಆರ್ಯ ಗಾಯ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ.. ಈ ಬಗ್ಗೆ ನಾಳೆ ನಾಳೆ ಫಿಲ್ಮ್ ಚೇಂಬರ್​ನಲ್ಲಿ ಮೀಟಿಂಗ್ ಕರೆಯಲಾಗಿದೆ ಎಂದು ತಿಳಿದುಬಂದಿದೆ..