ಸರಿಯಾದ ಬಟ್ಟೆ ಹಾಕು, ಇಲ್ಲದಿದ್ದರೆ ಆಸಿಡ್‌ ಹಾಕ್ತೇನೆ; ಮಹಿಳೆಗೆ ಬೆದರಿಕೆ!
ಬೆಂಗಳೂರು; ಸರಿಯಾಗಿ ಬಟ್ಟೆ ತೊಡದೇ ಇದ್ದರೆ ಆಸಿಡ್‌ ಎರಚುವೆ ಎಂದು ಮಹಿಳೆಯೊಬ್ಬರಿಗೆ ವ್ಯಕ್ತಿಯೊಬ್ಬ ಮೆಸೇಜ್‌ ಮಾಡಿದ್ದ.. ಈ ವಿಚಾರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದ ಮಹಿಳೆಯ ಗಂಡ, ಆತನ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿದ್ದರು.. ಇದೀಗ ಆರೋಪಿ ಕೆಲಸ ಮಾಡುತ್ತಿದ್ದ ಕಂಪನಿ ಆರೋಪಿಯನ್ನು ಕೆಲಸದಿಂದ ವಜಾ ಮಾಡಿದೆ..
ಇಟಿಯೋಸ್‌ ಸರ್ವೀಸಸ್‌ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ನಿಕಿತ್‌ ಶೆಟ್ಟಿ ಎಂಬಾತನೇ ಕೆಲಸದಿಂದ ವಜಾಗೊಂಡಿರುವ ವ್ಯಕ್ತಿ.. ನಿಕಿತ್‌ ಶೆಟ್ಟಿ, ಪತ್ರಕರ್ತನೊಬ್ಬನ ಹೆಂಡತಿಗೆ ಮೆಸೇಜ್‌ ಮಾಡಿ ಸರಿಯಾದ ಡ್ರೆಸ್‌ ಧರಿಸು ಇಲ್ಲದಿದ್ದರೆ ಆಸಿಡ್‌ ಹಾಕುತ್ತೇನೆ ಎಂದು ಹೇಳಿದ್ದನಂತೆ.. ಇಷ್ಟಬಂದಬಟ್ಟೆಹಾಕಬಾರದು.ಸರಿಯಾದಬಟ್ಟೆ ಧರಿಸು ಎಂದು ಹೇಳಿದ್ದನಂತೆ.. ಆ ಮೆಸೇಜ್‌ ಸ್ಕ್ರೀನ್‌ ಶಾಟ್‌ ಹಂಚಿಕೊಂಡಿರುವ ಮಹಿಳೆಯ ಪತಿ, ನನ್ನ ಪತ್ನಿ ಬಟ್ಟೆ ಆಯ್ಕೆ ಬಗ್ಗೆ ಮಾತನಾಡುವವ ಹಕ್ಕು ಅವನಿಗೆ ಯಾರು ಕೊಟ್ಟರು ಎಂದು ಪ್ರಶ್ನೆ ಮಾಡಿದ್ದರು..
