ಮೊಮ್ಮಗನ ಸಿನಿಮಾಗೆ ಸರ್ಟಿಫಿಕೇಟ್ ಕೊಟ್ಟ HDD
ಹಾಸನ : ನಿಖಿಲ್‌ ಕುಮಾರ ಸ್ವಾಮಿ ಅಭಿನಯದ ರೈಡರ್‌ ಸಿನಿಮಾ ಕಳೆದವಾರವಷ್ಟೇ ಬಿಡುಗಡೆಯಾಗಿತ್ತು. ದೊಡ್ಡ ಗೌಡರು ಇಂದು ಸಿನಿಮಾ ನೋಡಿ ಮೆಚ್ಚಿಕೊಂಡಿದ್ದಾರೆ. ಸಿನಿಮಾ ನೋಡಿದ ಬಳಿಕ ಮಾಧ್ಯಮ ಮಿತ್ರರೊಂದಿಗೆ ಮಾತನಾಡಿದ ದೇವೇಗೌಡರು ಸಿನಿಮಾ ಬಗ್ಗೆ ಒಳ್ಳೆಯ ಮಾತುಗಳನ್ನಾಡಿದ್ದಾರೆ.
ನಿಖಿಲ್‌ ಸಿನಿಮಾ ನೋಡಿದ HDD, ಕಥೆ ತುಂಬಾ ಚೆನ್ನಾಗಿದೆ, ಮನಸ್ಸಿನ ಮೇಲೆ ಪರಿಣಾಮ ಬೀರುತ್ತೆ. ನಿಖಿಲ್‌ ಫಿಲಂ ಫೀಲ್ಡ್‌ಗೆ ಹೊಸಬನೇನಲ್ಲ. ಈಗಾಗಲೇ ನಾಲ್ಕೈದು ಸಿನಿಮಾ ಮಾಡವ್ರೆ. ಈ ಸಿನಿಮಾದಲ್ಲಿಯೂ ಚೆನ್ನಾಗಿ ನಟಿಸಿದ್ದಾರೆ. ಈ ಸಿನಿಮಾಗೆ ನಾನು ಸರ್ಟಿಫಿಕೇಟ್ ಕೊಡುವ ಅಗತ್ಯವಿಲ್ಲ, ಈಗಾಗಲೇ ಜನ ಕೊಟ್ಟಿದ್ದಾರೆ. ಸಿನಿಮಾ ತುಂಬಾ ಚೆನ್ನಾಗಿದೆ ಎನ್ನಲು ಆ ಸರ್ಟಿಫಿಕೇಟ್ ಒಂದು ಸಾಕು ಎಂದು HDD ಹೇಳಿದ್ದಾರೆ.
