ಕಾಡಿನಲ್ಲಿ ವಾಸಿಸುವವರ ಪರ ನಿಂತ ನಟ ರಿಷಬ್‌ ಶೆಟ್ಟಿ; ಸಿಎಂಗೆ ಮನವಿ ಪತ್ರ
ಬೆಂಗಳೂರು; ಕಾಂತಾರ ಮೂಲಕ ದೊಡ್ಡ ಹೆಸರು ಮಾಡಿದ ನಟ ರಿಷಬ್‌ ಶೆಟ್ಟಿ ಈಗ ಕಾಡಿನಲ್ಲಿ ವಾಸಿಸುವವರ ಸಂಕಷ್ಟಕ್ಕೆ ಪರಿಹಾರ ಕೊಡಿಸಲು ಮುಂದಾಗಿದ್ದಾರೆ. ಅದಕ್ಕಾಗಿ ಅವರು ಸಿಎಂ ಬಸವರಾಜ ಬೊಮ್ಮಾಯಿಯವರನ್ನು ಭೇಟಿಯಾಗಿ ಮನವಿ ಪತ್ರ ಸಲ್ಲಿಸಿದ್ದಾರೆ. ಈ ವಿಚಾರವನ್ನು ಅವರೇ ಸಾಮಾಜಿಕ ಜಾಳತಾಣಗಳಲ್ಲಿ ಹೇಳಿಕೊಂಡಿದ್ದಾರೆ.
ಕಾಂತಾರ ಚಿತ್ರದ ಯಶಸ್ಸಿನ ನಂತರ ರಿಷಬ್‌ ಶೆಟ್ಟಿಯವರು ಅನೇಕ ಕಾಡುಗಳಿಗೆ ಭೇಟಿ ಕೊಟ್ಟು, ಅಲ್ಲಿ ವಾಸಿಸುವವರ ಬದುಕು, ಬವಣೆಯನ್ನು ಕೇಳಿದ್ದಾರೆ. ಜೊತೆಗೆ ಕಾಡಿನಲ್ಲಿ ಕೆಲಸ ಮಾಡುವ ಅಧಿಕಾರಿಗಳು, ಸಿಬ್ಬಂದಿಯ ನೋವು, ಕಷ್ಟಗಳನ್ನೂ ಕೇಳಿ ಪಟ್ಟಿ ಮಾಡಿದ್ದರಂತೆ. ಜೊತೆಗೆ ಅದಕ್ಕೆ ಪರಿಹಾರಗಳನ್ನೂ ಹುಡುಕಿದ್ದರಂತೆ. ಅವೆಲ್ಲವನ್ನೂ ಒಂದು ಪಟ್ಟಿ ಮಾಡಿ, ಕಾಡಿನಲ್ಲಿನ ಜನರ ಸಂಕಷ್ಟ ನಿವಾರಿಸಬೇಕೆಂದು ಸಿಎಂಗೆ ಮನವಿ ಸಲ್ಲಿಸಿದ್ದಾರೆ.
