200 ಕೋಟಿ ಕ್ಲಬ್‌ ಸೇರಲಿದೆ ರಣವೀರ್‌ ಅಭಿನಯದ ʼ83′
ಮುಂಬೈ : ಕೋವಿಡ್‌ ಸಂಕಷ್ಟದ ಸ್ಥಿತಿಯಲ್ಲಿ ಸಿನಿಮಾ ರಿಲೀಸ್‌ ಅನ್ನೇ ಪೋಸ್ಟ್‌ಪೋನ್‌ ಮಾಡುತ್ತಿರುವ ತಂಡಗಳ ನಡುವೆ ರಣವೀರ್‌ ಸಿಂಗ್‌ ಅವರ ಸಿನಿಮಾ ಒಂದು ಸಖತ್‌ ಸದ್ದು ಮಾಡಿ ಸುದ್ದಿ ಮಾಡಿದೆ. ಭಾರತದ 1983 ಕ್ರಿಕೆಟ್‌ ವಿಶ್ವಕಪ್‌ ಕಥೆಯುಳ್ಳ ಸಿನಿಮಾ ಇದಾಗಿದ್ದು ತುಂಬಾ ನಿರೀಕ್ಷೆ ಹುಟ್ಟಿ ಹಾಕಿತ್ತು. ಸಿನಿಮಾ ಟ್ರೈಲರ್‌ ಬಿಡುಗಡೆಗೊಂಡಾಗ ಸಾಕಷ್ಟು ಮೆಚ್ಚುಗೆ ಪಡೆದಿತ್ತು.
ಸಿನಿಮಾ ತೆರೆಕಂಡ ಮೇಲೆ ಸಾಕಷ್ಟು ಜನ ಹೇಳಿದ್ದು ಒಂದೇ. ರಣವೀರ್‌ ಕಾಣಿಸ್ತಿಲ್ಲ ಅಂತ. ಅಂದರೆ ಸಿನಿಮಾದಲ್ಲಿ ರಣವೀರ್‌ ಅವರು ಕಪಿಲ್‌ ಪಾತ್ರವನ್ನು ಅಷ್ಟು ಅಚ್ಚುಕಟ್ಟಾಗಿ ನಿರ್ವಹಿಸಿದ್ದಾರೆ ಎಂದು.
ಸಿನಿಮಾ ಬಿಡುಗಡೆಯಾದ ಮೊದಲ ವಾರವೇ ಸಿನಿಮಾ ನೂರು ಕೋಟಿಗಳಿಸಿತ್ತು. ಪಂಚ ಭಾಷೆಗಳಲ್ಲಿ ಸಿನಿಮಾ ರಿಲೀಸ್‌ ಆಗಿ ಒಳ್ಳೆ ರೆಸ್ಪಾನ್ಸ್‌ ಕೂಡ ಸಿಕ್ಕಿತ್ತು. ನಮ್ಮ ಮುಖ್ಯಮಂತ್ರಿಗಳಾದ ಬಸವರಾಜ್‌ ಬೊಮ್ಮಾಯಿ ಅವರು ಕೂಡ ಸಿನಿಮಾ ವೀಕ್ಷಣೆ ಮಾಡಿದ್ದರು.
ಸಿನಿಮಾ ಈಗ ಎರಡನೇ ವಾರದಲ್ಲಿ ಯಶಸ್ವಿಯಾಗಿ ಮುನ್ನುಗುತ್ತಿದ್ದು, ೨೦೦ ಕೋಟಿ ಕ್ಲಬ್‌ ಸೇರುವ ನಿರೀಕ್ಷೆ ಇದೆ. ಒಟ್ಟಾರೆಯಾಗಿ 172.30 ಕೋಟಿ ಗಳಿಕೆ ಮಾಡಿರುವ 83 ಸಿನಿಮಾಗೆ ಕೊರೊನಾ ಆತಂಕ ಇಲ್ಲವೆಂದಿದ್ದರೆ ಇಷ್ಟೊತ್ತಿಗೆ ಈ ಮೈಲಿಗಲ್ಲನ್ನು ದಾಟಿರುತ್ತಿತ್ತು .
