’83’ ಸಿನಿಮಾದ ಕಲೆಕ್ಷನ್ 50ಕೋಟಿಯೂ ದಾಟಿಲ್ಲ
ಮುಂಬೈ : ಸಿನಿಮಾ ಸಕ್ಸಸ್‌ ಯಾರ ಕೈಯಲ್ಲೂ ಇಲ್ಲ. ಸಿನಿಮಾ ಹಿಟ್‌ ಆದರೂ ಕೆಲವೊಮ್ಮೆ ದುಡ್ಡು ಬರೊಲ್ಲ. ಇದಕ್ಕೆ ತಾಜಾ ತಾಜಾ ಉದಾಹರಣೆ ’83’ ಸಿನಿಮಾ. ಈ ಸಿನಿಮಾದ ಮೇಲೆ ಇಡೀ ಭಾರತವೇ ನಿರೀಕ್ಷೆ ಇಟ್ಟುಕೊಂಡಿತ್ತು. ಸಿನಿಮಾ ನೋಡಿದ ಅನೇಕ ಗಣ್ಯರು ಸಿನಿಮಾ ಬಗ್ಗೆ ಒಳ್ಳೆ ಅಭಿಪ್ರಯಾವನ್ನೇ ವ್ಯಕ್ತಪಡಿಸಿದ್ದರು.
ಆದರೂ ಸಿನಿಮಾ ೫೦ ಕೋಟಿ ಕಲೆಕ್ಷನ್ ಮಾಡಲಿಲ್ಲ ಎಂಬುದು ದುಃಖದ ಸಂಗತಿ. ರಿಲೀಸ್ ಆದ ಮೂರು ದಿನಗಳಲ್ಲಿ ಕೇವಲ ೪೭ ಕೋಟಿ ಗಳಿಸಲಷ್ಟೇ ಆಗಿದೆ.
ರಿಲೀಸ್‌ಗೂ ಮುನ್ನವೇ ಓಟಿಟಿಯಿಂದ ಭಾರಿ ಮೊತ್ತಕ್ಕೆ ಬೇಡಿಕೆ ಬಂದಿತ್ತಾದರೂ ಸಿನಿಮಾ ತಂಡ ಅದನ್ನು ನಿರಾಕರಿಸಿತ್ತು. ಈಗ ಸಿನಿಮಾ ಸಾಗುತ್ತಿರುವ ಗತಿ ನೋಡಿದರೆ ಆದಷ್ಟು ಬೇಗ ಓಟಿಟಿಯಲ್ಲಿ ಕಾಣಿಸಿಕೊಂಡರೂ ಅಚ್ಚರಿ ಇಲ್ಲ.
‘83’ ಕಲೆಕ್ಷನ್ ಕುಗ್ಗಲು ಹಲವು ಕಾರಣ ಇದೆ. ‘ಪುಷ್ಪ’ ಸಿನಿಮಾದ ಹವಾ ಕಡಿಮೆ ಆಗುವ ಮೊದಲೇ ಈ ಚಿತ್ರ ರಿಲೀಸ್ ಆಗಿತ್ತು. ‘ಸ್ಪೈಡರ್ ಮ್ಯಾನ್’ ಸಿನಿಮಾದಿಂದಲೂ ಈ ಚಿತ್ರ ದೊಡ್ಡ ಮಟ್ಟದಲ್ಲಿ ಸ್ಪರ್ಧೆ ಎದುರಿಸುತ್ತಿದೆ. ಇನ್ನು, ಕೊವಿಡ್ ಕಾರಣದಿಂದ ಹಲವು ಕಡೆಗಳಲ್ಲಿ ರಾತ್ರಿ ಕರ್ಫ್ಯೂ ಹೇರಲಾಗಿದೆ. ಇದರಿಂದ ಸಿನಿಮಾ ಕಲೆಕ್ಷನ್ ಕುಗ್ಗಿದೆ.
